محتوى سوشال ميديا

محتوى باللهجة حسب الجمهور المستهدف، كما أنني أجيد مع السودانية، المصرية والخليجية

خلونا نبدا نعرف ببساطة يعني شنو فريلانسينغ أو عمل حر؟?

الفريلانسينغ ببساطة إنك تلقى المهنة المناسبة ليك أولاً ،

بس تشتغلها بطريقتك الخاصّة، والمعنى من غير تقييد بمكان،

أما الزمن ده فحيكون حسب وقتك ووقت عملائك.

أهم حاجة في الفريلانسينغ إنو يكون عندك مهارات مميزة،?

تخليك معروف بيها ويتم إختيارك بين آلاف الناس،

لأنو المهارات دي فيها تنافس عالي جدا، في ناس بتتميّز بمهارة كتابة المحتوى، وفي ناس التصميم، والتعليق الصوتي، او الكوتشينج أو حتى في مهارات يدوية زي الهاند ميد،

المهم إنو كل شخص عندو مهارتو الرهيبة البتميّز بيها،

لكن كمان لازم تتميّز بي إنك تقدر تسّوق ليها، ولما يجيك عميل تقدر تتعامل معاهو وتقدّم خدمتك أو منتجك بإحترافية تخليهو مبسوط لي درجة يكلّم الناس عنّك أو على الأقل تاخد تقييم إيجابي منو?

منصات العمل الحر، في نوعين من المنصات متخصصة، يعني هي بس للشغل زي خمسات ومستقل وفايفر، بروز و غيرهم، وفي منصات السوشال ميديا اللي ممكن ببساطة تشتغل فيها وتكون مصدر دخل عالي ليك كفريلانسر

لو حابين كلام فضفاض أكتر عن الفريلانسينغ،

ممكن تستمعوا للتسجيل الموجود في قناة التلغرام عن الفريلانسينغ من الصفر مع ريحان عبدالرحمن

بعد ما تستمعوا ورونا رأيكم شنو في الفريلانسينغ؟

هل انت فريلانسر؟ ولا عايز تبقى فريلانسر؟

ومتوقع شنو من سلسلة فريلانسينغ من الصفر؟?

#ريحان_عبدالرحمن

#فريلانسينغ_وبيزنس