Acne 2

بعد متكلمنا عن العلاجات ال non pharmacological في البوست الي فات وازاي احافظ علي نفسي من حب الشباب هنبدا فالعلاج ال pharmacological

وهوا بيكون نوعين: ️

اولا ال Topical ودا بيستخدم في الحالات الخفيفه للمتوسطه:

1- Benzoyl peroxide:

دا بيكون موجود في كتير من الكريمات والغسول ال OTC لعلاج حب الشباب، وبيشتغل عن طريق تقليل الالتهاب وتقليل عدد البكتريا علي الجلد.

2- Topical Salicylic acid:

ودي بتشتغل عن طريق تقشير الجلد وتنضيف المسامات ودا بيكون موجود في الكريمات والغسولات زي CeraVe acne control gel بيتحط مرتين او تلاته فاليوم.

3- Topical Retenoids:

بتشتغل عن طريق انها بتقلل حجم غدد الزيت والالتهابات موجوده في كريمات زي Retin A و Acretin بيتحط مره واحده بليل قبل النوم.

مع العلاج ده ببدا اتابع المريض واشوف هل في تحسن ولا الحاله بتسوء وساعتها اعمل refer لدكتور جلديه عشان يشوف الحاله وممكن يوصف حجات في combinations من كذا ماده او strengths مختلفه او حجات اقوي زي الكورتيزون او المضادات الحيويه ال Topical ومكن يكون العلاج محتاج ادويه Oral.

ودا ينقلنا لتاني نوع وهيا ال Oral drugs:

من الادويه دي المضادات الحيويه او Isotretenoin زي دوا Netlook واوقات بيحتاج ادويه هرمونيه وكل ده بيكون محتاج اشراف دكتور.️

واخيرا تتاكد من الدوا الي انت بتاخده او الي بتوصفه لحد من المكونات بتاعته وان المريض معندوش حساسيه منها ولازم بردو مع العلاج تنصحه انه يحافظ علي بشرته بغسول مناسب واستعمال ال cosmetics الي مبتقفلش المسامات.

وشاركونا في التعليقات تعاملاتكم فالصيدليه مع ال acne وايه الادويه الي بترشحوها.️