التصوف والسلفية
..
يلا نتكلم عن التصوف والعمق والحاجات دي؟
بس لو هتقرأ البوست لازم تقوم تعمل كوباية قهوة وكوباية مش في فنجان ها
لزوم العمق بقا
من الحاجات المنتشرة بين المثقفين العرب عموما والمصريين خصوصا التصوف ف هنتكلم عنه من باب الرصد لا الترصد وإبداء وجهة النظر لا الإدانة ولا التشجيع
ظهور التصوف في بداياته كان في مجتمع معندوش القابلية للخروج عن عباءة السائد والمألوف
حتى وسط ما كان فيه ناس زي أبو العلاء المعري والحلاج
اللي هما في ظاهر أشعارهم الخروج والنقد والنقض لأساسيات دينية محدش صرح بكلمات الخروج غير ابن الروندي
فأنت قدام حاجة غير الإسلام بس تحت اسمه
احنا بنتكلم عن ابن النفري وعدم اهتمامه بالنصوص بشكل مطلق وإسقاط الفرائض بعد كشف الحجاب ودا مصطلح زي السلوك اللي جه منه السالك والجذب اللي جه منه مجذوب وغيره وعبارات زي ما في الجبة إلا الله
واللي منسوبة للحلاج وهي بتاعة أبي اليزيد البسطامي بالمناسبة
واللي مقصودها هو الحلول والاتحاد
إيه الحلول دا؟
يعني الذات الإلهية حلت (دخلت) في بعض الأشياء
والاتحاد؟
سكندري؟ لا يعني صار الشيء دا والإله ذات واحدة
والدليل على حالة عدم قابلية المجتمع للمخالف إن الحلاج صُلب وغيره اتسجن وغيره اتشرد وغيره وغيره
ومع الوقت ابن رشد هيرفض الحلول ويكتب فصل المقال فيما بين الشريعة والحكمة من الاتصال
ثم يجي الغزالي يعمل هجين من التصوف والإلتزام بالتكاليف الشرعية
الفكرة مش في إيه صح وإيه غلط هنا
الفكرة إننا قدام حاجة بعيدة عن الإسلام التقليدي .. الأصولي
اللي هو مادي!!
جاية من المادة ومفيش مساحة للميتافيزيقا الإ في الآخرة
وحتى في الأخرة فيه مادية الميتافيزيقيا بالكلام عن النعيم المتمثل في حور عين وفواكه وأنهار من خمر وغيرها
لكن الناس بعد التهذيب اللي عمله الغزالي مبقاش عندهم مشكلة مع التصوف مع إن فيه تناقض
مثال< طه حسين كان عايش مع أهله اللي هما عندهم تقديس للاولياء والأضرحة وكان عادي بعد ما راح الازهر ونزل في أول أجازة للبلد كفّر أهله لإنه شاف إن فيه تناقض بين الاتنين بشكل لا يمكن تجاوزه
بالنسبة للمصريين الموضوع عشوائي معندهمش مشكلة في تقبل التناقض
سنة .. كان بها
شيعة.. آل بيت وما يضرش
تصوف.. وماله
دا مش دلوقت دا كان قبل النقلة اللي جت من الخلايجة اللي كانوا معندهمش قابلية لتقبل الهجين وهما عندهم الأصل فهما أعدى ناس لفكرة التصوف
بخلاف شمال افريقيا والمغاربة اللي كانوا أقرب للتصوف من السلفنة
وهما كتير في الجروب هنا وممكن يرصدوا الصراع بشكل أوضح
في العموم كلا من التصوف أو السلفية بيستخدموا لصراع سياسي
حتى في مصر واحنا داخلين ع انتخابات رئاسية
السلفية اللي ليها نظام ومتمثل في حزب النور تعلن التأييد والدعم السياسي مش مهم للسيسي ولا لمبارك ولا لمرسي
المهم الدعم يكون للي في أيده السلطة
وكذلك الطرق الصوفية والكباري لازم تعلن التأييد وهما دايما على وفاق مع السلطة بالمناسبة
ودي مش نظرية مؤامرة بس مش من الطبيعي إن اي استنتاج نرد عليه بتريقة وجو نظرية المؤامرة
الاهم الصراع السياسي الخارجي بين مين ومين؟
الإسلام الأصولي المتمثل في شيوخ الخليج والسعودية على وجه الخصوص
والإسلام الصوفي المتمثل في تركيا
اها تركيا، العثمانين اللي جاية من عثمان بن ارطغرل
ارطغرل اللي المسلسل بيظهره في صورة أحسن من الأنبياء
رجل المستحيل اللي له القدرة الجسدية الرهيبة والمصحوب بالعناية الإلهية المثمثل في تأييد الصوفيين زي ابن العربي
والمسلسل على نجاحه «وكونه ردا على مسلسل القرن العظيم اللي هو حريم السلطان
النظرة الإسلامية الإخوانية تجاه النظرة العلمانية»
مسلسل ارطغرل دا مسبب حيرة لبتوع السعودية كونه مغري جدا عن فكرة الخلافة وتصريح فيه إن المسيحيين كفار من غير مدراة بس هو برضه مسلسل ارطغرل التركي اللي هو بيرمي رمز لرجب اردوغان والاهم فكرة التصوف اللي ف المسلسل المرفوض عند السلفيين
دي وجهة نظري المتواضعة وممكن تكون صح وممكن تكون صواب.