مصر .. الخمسينات
الأجهزة الأمنية عملت مسابقة عشان اختيار نشيد وطني جديد لمصر واتقدم ليها كبار الشعراء والملحنين وكان النشيد الكسبان «الله أكبر فوق كيد المعتدي» تلحين محمود الشريف
دخل سامي شرف على عبدالناصر ومعاه كلمات النشيد وأسماء فريق العمل
عبد الناصر قال إيه الكلام الفارغ دا !! إزاي ماخدتوش حاجة لأم كلثوم؟
سامي شرف اتلعثم وقال أأأصل سيادتك أم كلثوم مادخلتش المسابقة دي مسابقة شعرا وملحنين بس وهي مغنية !!
عبدالناصر بنفاد صبر مش لازم في كل حاجة أقولك تتصرف إزاي يا شرف.
سامي شرف وهو مرتعد: خلاص سيادتك «ناخدلها إنت عمري»
ضحك عبد الناصر وقال جرا إيه يا سامي إنت عمري معمولة سنة 64 وإحنا لسه ف الخمسينات إنت هـ تعمل زي المسلسلات اللي بـ يستخسروا يجيبوا باحثين يظبطوا الحاجات دي؟
خدوا والله زمان يا سلاحي
سامي (تنفرج أساريره ويتنفس الصعداء)
يا سلام يا أفندم يا سلام، من غير سيادتك مش متخيل ممكن نعمل إيه!
ناصر (ينظر بـ دهاء لـ سامي) علشان كدا يا سامي مش ممكن آمن لـ حد تاني ع البلد خد الورق دا واعمل اللازم
شرف (بـ تحرج)
لكن سيادتك بـ النسبة لـ اللي كسبوا نعمل معاهم إيه؟
ناصر: راضوهم بـ أي حاجة وشوفوا أي بلد فرز تاني ادوها النشيد دا يبقى نشيدها القومي
شرف:
تمام سيادتك ينصرف شرف بعد أداء التحية العسكريةوينظر لـ الملف ويقرأ
«الله أكبر فوق كيد المعتدي»
تأليف عبد الله شمس الدين
مواليد 13 مارس 1921
أيوة بالظبط .. زي النهارده