بوست تعليم تسويق

بوست تعليم تسويقي ..

البوست :

عمرك فكرت في الطرق اللي الشركات بتستخدمها عشان تبيع بها منتجاتها ؟?

كل Business بيكون عايز يكسب فلوس .

طيب هل لو انا جيت وقولتلك اشتري مني عشان انا عايز اكسب فلوس .. هل هتشتري مني ؟

= اكيد لا ..

فكل business بيكون له Vision "يعني رؤية أو هدف كبير" فلو كتبنا علي google ايه هي الـ vision بتاعت شركة زي Apple هيطلعلنا:

"نعتقد أننا على هذا الكوكب لنصنع منتجات رائعة وهذا لن يتغير"... وعشان تحقق الكلام ده بتقدملك منتجات زي الـ iPhone والـ macbook والـ airpods وغيرهم ..

وعشان الـ business يخلي العميل يشتري منتجاته أو خدماته لازم يعمل حاجتين أساسيتين️:

1( يحدد الـ segment "الشريحة المستهدفة" اللي بيخاطبها وبيقدملها منتجاته وخدماته.

2( يشوف value "قيمة" مناسبة لكل segment تخليها تشتري المنتج بتاعته أو بالبلدي يشوف للعميل طريقة يجيبه بها سكة ..

هديلكم مثال يوضح الموضوع:-

فلنفترض اني ببيع إكسسوارات حريمي ) سلاسل - حلقان - غوايش - ... (

الاول هحدد الشرائح اللي هخاطبها واللي بقدملها المنتج بتاعي

والله انا عايز ابيع

للبنات من سن 15 إلى 25 ) دي كده الـ segment الأولى (.

وعايز ابيع للأمهات ) دي كده الـ segment التانية (.

وعايز ابيع للرجالة ) دي كده الـ segment التالتة (.

لما أجي اكلم كل شريحة من دول أو اكتبلهم بوست ...

هل هكلم كل شريحة زي التانية ؟ ... اكيد لا.

فلما أجي اكلم البنات هقولها مثلاً: زوّدي شياكتك بتكلفة قليلة, حلّي لبسك كله بقطعة واحدة وهكذا ..) الـ value بتاعت الـ segment الأولى (

ولما أجي اكلم الأمهات ممكن اقولها: فرحي بنتك، وممكن عشانها هي بردو) الـ value بتاعت الـ segment التانية .. وعادي ممكن كذا segment يكون لها نفس الـ value (

ولما أجي اكلم الرجالة هقولهم: هدية جميلة لأختك، خطيبتك، مراتك) الـ value بتاعت الـ segment التالتة (

فكل شريحة ولها قيمة معينة هتخليها تشتري المنتج:

البنت عايزة يبقي شكلها حلو .

الأم عايزة تفرح بنتها وبردو عايزة يبقي شكلها حلو.

الراجل عايز يفرح اخته، خطيبته، مراته .

الخلاصة..

انت مش بتشتري المنتج، انت بتشتري فرحة خطيبتك، انتِ بتشتري شياكتك وفرحة بنتك ... احنا بنشتري الـ value اللي المنتج ده بيقدمها، وكل segment ولها value هتخليها تشتريه وممكن كذا segment يكون لها نفس الـ value زي البنات والأمهات.

بس كده ^^