مقال تثقيفي في مجال التطوير الذاتي

كتابة المقالات وتقديم الإستشارات

.Five personality traits

وهي سمات اتفقوا عليها ان وجودها عندالمتقدمين للوظائف بشكل عالي هيخلي فرصهم انهم يتقبلوا ...يبدعوا ويستمروا ويكون تواصلهم ممتاز مع الدوائر اللي حواليهم...

-Openness

من سمات الأشخاص اللي عندهم انفتاح او تفتح ذهني عالي هي انهم مدفوعين دائما بالحرص على التعلم وتجربة أشياء جديده بشكل مستمر بجانب وجود مجموعة واسعة من الاهتمامات وأنهم بيكونوا أكثر ميلًا للمغامرة المحسوبة لما يتعلق الأمر باتخاذ القرارات .في الغالب بيطلبوا أكثر الأشياء غرابة في الحاجات الجديده ، وعندهم اهتمامات واسعه ومختلفة ومنفتحين علي تجارب الحياة الجديدة.... علي النقيض الأشخاص المنغلقة.او أي شخص منخفض في هذه السمة ينظر للحياة والقرارات من خلال توجهات اكثر تقليدية وحرص شديد وممكن يعاني عندما يتعلق الأمر بحل المشكلات خارج منطقة الراحة المعرفية الخاصة به.

-Conscientiousness

دي ممكن نسميها صاحب الضمير السليم اللي بيتمتع بحس مسئولية عالي :

ودي سمة تتضمن مستويات عالية من التفكير والتحكم الجيد في الانفعالات والمشاعر اللي ممكن تواجه الشخص اثناء تحقيق اهداف في وقت محدد او رؤية معينه في مرحلة ما.. سمة اصحابها التفاعل مع اشخاص من خلفيات مختلفة عن بشكل مرن ومريح ..منظمين جدا وبيراجعوا ويحللوا سلوكهم لمعرفة ازاي يؤثر على الآخرين. اصحاب السمة دي بيكونوا شاطرين جدا في ك فرق إدارة المشروعات والادارة بشكل عام في ادارتهم بلعبوا دور في موازنة الأدوار الهيكلية ضمن التطوير الشامل للفريق. من سمات الاشخاص دي التخطيط بشكل منتظم مسبقًا.وجودهم بيعمل توازن خصوصا في توزيع المهام واداره الأشخاص. الأشخاص علي النقيض اصحاب الحس الضعيف بالمسؤلية يميلوا إلى كره النظام والهياكل الوظيفية والجداول الزمنية ، والمماطلة في اكمال المهام المهمة والفشل في إكمالها.

-Extraversion

الانبساطية :

دي سمة عند كثير من الأشخاص وهي بتكون اكثر طبيعه شخصيه دي الناس اللي بتشحن طاقتها من خلال التفاعل مع اشخاص اخرين

Socializing with others

من بين السمات الاشخاص دي، البلاغة والحزم والذكاء العاطفي والسمات دي بتجعل منهم اشخاص معروفين على نطاق واسع ..ومن ضمن سماتهم انهم اشخاص بيميلوا للقيادة بالفطرة وبيحبوا الشغل اللي فيها تواصل و تفاعل مع اخرين زي الاتش ار والمبيعات الخ

العكس هو بالطبع شخص انطوائي. بيميل للعزلة وبيشحن طاقته وهو لوحده اكتر وبيفصل من خلال التواصل الكتير,, عندهم طاقة أقل في المواقف الاجتماعية او اللي بتتطلب منهم تفاعل وتواصل بشكل كبير . بيكون التواجد في موقف او شغل مليان تواصل وتفاعل عالي مش مريح او مرهق بالنسبة لطبيعتهم الشخصية...

-Agreeableness

مش عارف اطلق عليها ايه بالعربي من السياق ممكن القبول والإنسجام بس الاشخاص اللي الصفه دي عندهم بشكل عالي بيحملوا قدر كبير من الرضا والحب والدعم للأخرين .من سماتهم المشاركة والراحة والتعاون متعاطفين مع الآخرين واذكياء عاطفيا بيقدروا يحطوا نفسهم مكان الأخرين ويعذروهم بدون مايخدوا الأمور بشكل شخصي..

على النقيض هو عدم الرضا وبيتجلي في سمات سلوكية مش لطيفة زي التلاعب والحقد والضغينة تجاه الآخرين ، وقلة الاهتمام أو التعاطف ، وعدم الاهتمام بالآخرين ومشاكلهم بيكون الشخص هنا متمحور حوالين ذاته اكتر ومش هامه او شاغله غير نفسه فقط..

-Neuroticism:

العصابية .. الأشخاص اللي عندهم عصاب بيعانوا من التقلبات المزاجية وعدم الاستقرار العاطفي. في الغالب بيتم الخلط بينه وبين السلوك المعادي للمجتمع بس دا مش صحيح، العصابية هي نتاج استجابة جسدية وعاطفية للتوتر والتهديدات المتصورة في الحياة اليومية لشخص ما.

القلق بيلعب دورًا كبير في تكوين العصابية ، وبيهزم قدرة الفرد على التعامل مع الإجهاد والمخاطر المتصورة أو الفعلية. الأشخاص اللي بيعانوا من العصابية بيفكروا كتير جدا بشكل قهري في المواقف وبيجدوا صعوبة في الاسترخاء حتى في مساحتهم الخاصة.

من سماتهم تقلب المزاج وانفعالهم السريع سرعة التوتر والقلق والقفز الي الإستنتاجات صعوبه في اداره المشاعر..