علي اي اساس بشتري بيت

علي اي أساس بنختار المكان اللي عايزين نسكن فيه و ايه هي الحاجات اللي ناخد بالنا منها واحنا بنشتري عقار ؟

1- الموقع: يعتبر الموقع هو أهم المعايير و احنا بنختار مكان نسكن فيه.المنطقة لازم تكون راقية وكويسة و يكون المكان قريب من الخدمات الأساسية زي المدارس والمستشفيات والمراكز التجارية والمواصلات العامة .

2- المساحة: لازم مساحة العقار تكون مناسبة لاحتياجاتك الشخصية وعدد أفراد اسرتك. لازم يكون في مساحة كافية تكون عايش مرتاح فيها و تقدر تنظم الأثاث فيها بشكل كويس يكون مريح للعين علشان راحتك النفسية اهم حاجة في المكان اللي حتعيش فيه .

3- التصميم الداخلي: لازم يكون التصميم الداخلي والتقسيمة للمكان مناسب لذوقك وأسلوب حياتك وخصوصيتك. لازم تحط في الاعتبار عدد الغرف والحمامات والمساحات المشتركة زي المطبخ و الريسبشن وتقسيمته .

4- الخدمات المشتركة: لازم تاخد بالك وانت بتشتري من الخدمات المشتركة اللي بيوفرها المكان زي باركينج العربيات و حمام السباحة و النادي. الحاجات دي مهمة لراحتك واستمتاعك بالمكان اللي حتقضي فيه وقتك .

5- حالة العقار: لازم يكون العقار حالته كويسه وخالي من أي مشاكل هيكلية . لازم يكون معاك حد خبير علشان يقييم حالة المكان قبل ما تاخد قرار الشراء .

6- الأمان: لازم تتأكد من المنطقة وأمنها وان المكان فيه كاميرات مراقبة علشان تكون مطمن علي اولادك واسرتك حتي لو مكنتش موجود معاهم .

7- الجيران: اكيد حتحب أنك تكون في مجتمع راقي مع ناس شبهك ، صدقني الcommunity دي نقطه مهمة جدا وانت بتختار مكان تعيش فيه .علشان ده بيحدد انت عايز تكون فين ومع مين .

8- التسهيلات القانونية: لازم تتاكد من كل الوثائق القانونية والعقود وملكية الارض. لازم يكون معاك محامي متخصص عنده خبره بالامور القانونية قبل ما تشتري .

9- السعر: لازم تكلفة العقار وسعره يكون مناسب لميزانيتك الشخصية ومقدرتك على الدفع سواء حتقسط أو حتدفع كاش . ولازم تاخد بالك من التكاليف الإضافية زي رسوم الصيانة والخدمات .

10- المستقبلية: وانت بتختار مكان تعيش فيه ، لازم تفكر في المستقبل و إمكانية بيع العقار في حالة حبيت تجدد أو تكبر المساحة وتحط في اعتبارك أن العقار بيحافظ علي قيمة فلوسك فهي بتزيد مع الوقت .