كل شئ جايز
تفاصيل العمل
كل شئ جايز ووارد
أغلب الأشياء محال
بلاش تراهن ع اللى فاضل
خليه فى خانة الإحتمال
كل من حاول يقرب
مس روحك قال يجرب
ساب قزازك لوح مترب
عيش روحك ف إختزال
كل غايب له معادل
واللى دلوقت حاضر
بكره يبخل بالسؤال
قيس على ده
كل حاجه
الإراده والسعاده
والمشاعر والجمال
كله فى الاخر مفارق
مش تجلى
دى حقايق
بالمناقشه والجدال
الحقيقه مافيهش غيرها
كل شئ وليه نهايه
كله بيؤول للزوال
#محمد_ناجى