تبا للعادي

فى كل مره ؟

كان حيطه مايله

كان ركن فاضى

........

مكرر جدا - أعتيادى

كان حيادى ..

كوبايه واحده تفصل ما بين

نص مليان ونص فاضى ...

عاش يطبطب ع الكتاف

عاش يهلل بالايادى ..

لما خد جنب وخاف ...

استهلك نصه المليان

بقى كل الكوبايه فاضى

كان عايش يوم بيوم ...

كان ممشيها بالتراضى

ويجيب ع مين اللوم ...

سحب لحافه ونومه هادى

بيحارب عمره الرايح بالنوم

وبيلعن جغرافيا الوادى

متمادى ...

لما قال يومها يصلح

راح كرر ف اخطاء الماضى

خده دلدق دمعتين ...

لما عينه جات ف عينى

لما عدى من قصادى ...

وبعد التفكير ف المرادى

كان صعب عليه يكون راضى

ويكرر دنيا بتجاربها

ويكون شئ عادى ...

وانا سايبه هناك شغال يصرخ

عمال بينادى ...

تبا للعادى

تبا للعادى

#محمد_ناجى