تاريخ الصلاحية

انا عايز اتكلم في فكرة تاريخ الصلاحية

وانا هنا مش قصدي تاريخ الصلاحية اللي مكتوب علي علب الاكل والأدوية

انا اقصد تاريخ الصلاحية اللي علي كلامنا وافكارنا ومبادئنا واحلامنا

الحاجات دي كمان ليها تاريخ صلاحية

كتير بنتحط في مواقف وبعد ما الموقف بيخلص بنقعد نلوم نفسنا انا كان المفروض ارد اقول كذا لما اتقال كذا انا ليه سكت ونقعد نلوم نفسنا

لان بكل بساطة احنا عرفنا ان الكلمة دي تاريخ صلاحيتها انتهي وهي في زورنا ما خرجتش

وساعات كتير بنفكر بأسلوب كله رتابة وروتين وبنقعد نستغرب ما احنا بنفكر وبنخطط وبردوا مبتمشيش

بكل بساطة لان تاريخ صلاحية طريقة تفكيرنا انتهت

بنقعد نقول احنا بنحلم ومبنعرفش نحقق احلامنا،

ده لأنك متمسك انك تحقق حلم صلاحيته انتهت وبقى expired وشغفك ليه مات اساسا وبالتالي طاقتك نوعا ما بتقل مع كل حلم بتفشل في تحقيقة فا بالتالي مبيبقاش عندك طاقة انك تفكر او تحلم بحلم جديد فا بترجع ذكريات احلام قديمة عفا عنها الزمن

مش بس كده

الكلمة اللي عايز تقولها لحد قولها في وقتها متستناش لما صلاحيتها تنتهي لان ساعتها مفعولها هيبقى سلبي

المشاعر اللي جواك خرجها متسيبهاش جواك لحد ما تبقى اكسباير

الناس اللي حواليك وانت عارف انهم بيحبوك احتويهم متهملهمش لحد ما حبهم ليك يبقى اكسباير فا تيجي تطلبة متلاقيهوش

كل حاجه في حياتك ليها تاريخ صلاحيه حتى حياتك نفسها صلاحيتها هتنتهي يوم ما هتموت

مانت هتموت لان دورك في الحياة انتهى

اغلب اللي بينتحروا بيبقوا حاسين كده، ان حياتهم ملهاش قيمة فا بيفضلوا الموت للسبب ده، ومنهم كتير مبيكونش عنده اي مشاكل في الحياة تدعوا لكده، لكن هو حس مره واحده ان كل حاجه في حياته بقت expirr

طيب ايه العمل او ايه الحل؟

جدد وطور احلامك وطموحاتك عيد ترتيب افكارك ومبادئك، متستسلمش للخوف اللي جواك

الخوف انك تقول وكلامك تتحاسب عليه

طيب مانت لما مقولتوش اتحاسبت علي سكوتك

او انك تحلم وحلمك ميتحققش طيب مانت لما محلمتش بردوا ماتحققش

وبما ان في كل الحالات النتيجة واحده يبقى انا اجرب اللي فيها احتمال تاني حتى لو نسبته ضعيفة.

الكلام اللي بيتحبس والمشاعر اللي بتموت والاحلام اللي بتنتهي كل دي بتأثر سلبي علي نفسية الإنسان

إقبالك علي الحياة بيتأثر جدا بالموضوع ده وشخصيتك بردوا بتتغير وبتتهز وبتفقد جزء من ثقتك بنفسك مع كل حاجه تاريخ صلاحيتها بينتهي وهي لسه جواك،

ومتفتكرش عشان في حد انت واثق من مشاعره ليك

انك لما تهمله هترجع تلاقيه زي ما هو

ولا تفتكر ان حلمك انك لو فضلت تأجل فيه هيفضل شغفك مستنيك لما تسخن وتشتغل،

ولا تفتكر انك تفكيرك لما يفضل بنفس النمطية هيطور نفسه بنفسه،

انت هترجع بعد فتره تلاقي المشاعر ماتت والشغف تاه والتراب اللي على تفكيرك عمى قلبك.

لو الموبايلات بيتعملها ابجريد والبرامج بتعملها ابديت الانسان كمان لازم يعمل لنفسه ابديت

طور نفسك وفكر في بكره بتاعك انت وشوف انت عايزة ازاي

ازاي اطور نفسي

مبدئيا كده

تسمع اكتر ما تتكلم

وافتح الكتاب واقرأ، بتكسل تقرأ دلوقتي النت عليه كتب تتسمع

لو هنكلم من المنظور العملي في شغلك

طور من ادائك وشوف ايه الجديد واتعلمه ولو حسيت انك مش مرتاح شوف شغفك ممكن يوديك فين وروح معاه

من المنظور الاجتماعي

المجتمع شكله بيتغير يوم بعد يوم