لولا الظروف

لولا الظروف، انا كنت حبيتك كمان، اكتر من المألوف

لولا الظروف، انا كنت خليت الكلام، يرسم ملامحك بالحروف

لولا الظروف، انا كنت هقتل جوه منك كل ظلم وأي خوف

بس الظروف، خلتني اهرب من عنيكي، واداري وشي من الكسوف

ونسيت مبادئي، وبقيت أناني، وركنت حبك عالرفوف

وركبت عقلي، وصوت دماغي، وخرجت من كل الصفوف

اصل اللي شوفته ميتحكيش

واللي سمعني مصدقوش

اللي حصل متخيلوش العرافين ولا قالة الودع، ولا اتقرا من ع الكفوف

دي حاجة اقوى من الظروف، ولا التاريخ يشفعلها، ولا ينكر حدوثها، ونشيله المعروف

ومن وقتها، وانا وسط البشر بالغباء موصوف

ولولا غبائي، وخيانة الظروف، انا كنت حبيتك كمان، اكتر من المألوف