كتابة منشورات عن مجال تعليم الآلة (خوارزمية dession tree)
تفاصيل العمل
السلام عليكم ورحمة الله وبركاته ...
جايين من لجنة الماشين ^_^..
بعد ما أخذنا شجرة القرارات dession tree هناخد بقا الغاباتrandom forest..
ومن المسمى بتاعها هي غابه بتتكون من مجموعة أشجار ....
طيب نفتكر براحه الأول أن شجرة القرارات هي خوارزمية من الخوارزميات اللي أقدر أعمل بيها توقع سواء Regression أو classification ودول اتكلمنا عنهم قبل كده
وأنها بتاخد القرار بتاعها بناء على شوية أسئلة متفرع منها أسئلة لحد ما نوصل لقرار وتطلعه في الout
طيب طيب..... اي بقا الغابة دي وجايه تعمل اي... ؟؟!
م. فاطمة ️قالت في البوست اللي فات ان شجرة القرارت عندها مشكلة تدعىoverfitting
فاكرها صح مش هنفقد الذاكرة في البوست بتاعي ?️
المهم تعالوا نحكي حدوته قصيرة تفهمنا حوار الغابة..
لو هنعتبر ان شجرة القرارت دي خبير هياخد قرار في مجال معين?...
فعشان أطلع قرار أفضل جبت بدل الخبير مجموعة خبراء???????
كل واحد منهم هياخد القرار بناء على خبرته.. جميل جميل.. طيب دلوقتي كل خبير اخد قرار مختلف
هنعمل اي هنطلع القرار النهائي بناء على رأي مين؟?
من غير خناق كده ممكن ناخد رأي الأغلبية ودي طريقة️
وممكن لو القرارات دي أرقام كسعر البيت مثلا فممكن ناخد متوسط الأسعار اللي طلعوها وهكذا الطرق على حسب الحالة هختار الطريقه....
بس كده عزيزي القارئ عزيزتي القارئة.... الغابة ما هي الا خوارزمية فيها عدد معين(أنت اللي بتعينه مش حد غريب) من أشجار القرارت بتاخد رأي يمثلهم جميعا وتطلع بيه في ال out
#بوست_الجمعة
#لجنة_تعليم_الآلة
#ليبقي_منيرا