مُمكن وإنت بتتفرج على أحد أفلام الكارتون يقابلك المشهد التالي :
شخص من الإسكيمو لابس فرو وهدوم تقيلة، و واقف قدام بيت أو كوخ، مبني بالكامل من التلج ..
و وقتها مُمكن تعدي الموضوع لأنه في الأول والأخر مُجرد كارتون مش أكتر.
أصل إزاي يعني في حد هيعيش جوا بيت من التلج؟!
الجو في المناطق القطبية بيكون بارد - والتلج هو كمان بارد .. وبالتالي ماينفعش نبني بيت من التلج وندخل نتدفى جواه.
الموضوع لأول وهلة مش منطقي إطلاقًا،
# لكن خليني أصدمك كالعادة وأقولك إن الموضوع منطقي عادي جدًا - والبيوت دي مش أفلام كارتون ولا حاجة!
البيوت اللي من التلج أو الـ igloos هي بيوت موجودة بالفعل، وبيبنيها سُكان الإسكيمو وسُكان المناطق القطبية لحد وقتنا الحالي.
البيت بالكامل بيكون مبني من التلج - بل إن السرير وأثاث البيت بيكونوا هم كمان مصنوعين من التلج ..
وبالرغم من كده، الناس بيكونوا دفيانين وهم موجودين جوا !!
وهنا بقى الموضوع بيزداد تعقيد! ^^