- الجدري
- الحصبة
- مرض شلل الأطفال أو إلتهاب سِنجابية النخاع،
- عدوى الملاريا ..
كل دي أمراض الحمد لله مابقيناش بنسمع عنها بفضل اللقاحات اللي بتعزز الجهاز المناعي عند الإنسان، وبقينا نقدر نتغلب عليهم ونتصدا لهم طول الوقت،
لكن في وسط الأمراض دي كُلها ، في مرض فيروسي بسيط محيرنا كُلنا معاه!!
والمرض ده .. هو (البرد)!
البرد هو تقريبًا أكتر مرض بيجيلنا خلال السنة .. بل إن مُمكن عدد كبير من اللي قاعدين بيسعمونا دلوقتي يكون عندهم (برد) أصلا!
والسؤال اللي بيطرح نفسه هنا، هو إحنا ليه جسمنا مابياخدش مناعة ضد (البرد) مع إنه بيجيلنا كتير؟؟
وليه العلماء مش قادرين يعملوا مَصل أو لقاح للمرض الفيروسي البسيط ده ، بالرغم من إنهم توصلوا لـ أمصال ولقاحات لأمراض تانية مُستعصية وأكثر خطورة!