هَتسمع إنها عضو زايد في الجسم ومالهوش أي فايدة إطلاقا،
وهتسمع برده إنها عضو ضامر ومحدش عارف إيه الهدف من وجوده بالظبط،
وهتسمع إنها دايمًا بتلتهب وبنعملها إستئصال لأنها شيء سيء وبيضرنا.
وهتسمع إن وجودها من عدمه، الإتنين سيان.
وهتسمع إنها مش مؤثرة، وصحة الإنسان قبل إستئصالها ماتختلفش كتير عن صحته بعد إستئصالها.
- والحقيقة لو إنت فعلا سمعت حاجة من الحاجات اللي فاتت دي،
فَـ يُسعدني أقولك إنك على وشك إنك تغير رأيك تمامًا عن الموضوع ده.
الزايدة مش عضو ضامر ومالهوش لازمة ولا حاجة زي ماهو مُشاع عنها بين الناس.
الزايدة عضو مُهم جدًا وليه دور مؤثر في جسم الإنسان.
وإحنا للأسف كُنا ظالمينها طول السنين اللي فاتت دِي.
# ولك أن تتخيل إن الطب حاليًا بيسعى إنه يحافظ على وجود الزايدة داخل الجسم بدل ما يشيلوها.
وإنهم بيتجنبوا إستئصالها أصلا قدر الإمكان لأنها فعلا عضو مُهم ..