لو عاوز تزرع شجرة (مانجا)، ف بكل بساطة مُمكن تجيب مانجاية، وبعد طبعًا ما تقشرها وتاكلها .. تمسك البذرة بتاعتها وتحاول تفتحها بسكينة،
وبعدين تاخد النواة أو اللُب اللي موجود جواها وتزرعه.
وبعد فترة هتلاقي النبتة بتاعتها بدأت تكبر.
- وبرده لو عاوز تزرع شجرة تفاح .. هات بذور التفاح وحطها في التربة وازرعها عادي جدًا
- ولو عاوز تزرع شجرة برتقان .. هات بذور البرتقان وحطها في التربة.
- ولو عاوز تزرع شجرة موز .. هات بذور الـ #$%&*
إيه ده ثانية واحدة .. هو إحنا لو عاوزين نزرع موز، نزرعه إزاي؟؟!
- الموز مافيهوش بذر خالص!! ..
ومش بس كده .. كمان العنب، مُعظم الأنواع بتاعته مافيهاش بذور ..
والتوت .. والأناناس .. كل دي فواكه مافيهاش أي بذور.
ف ياترى بقى إزاي بيتم زراعة الفواكه دي كُلها؟؟