الحصيلة العلمية الموجودة في عصرنا الحالي وكم التطور العلمي الضخم اللي بنشهده حاليًا في جميع المجالات ، زي علوم الفيزياء والكيمياء والطب والفلك والرياضيات والهندسة،
ماهو إلا ناتج أعوام عديدة جدًا من البحث والتفكير تمت بواسطة مجموعة من العُلماء أقل ما يُقال في حقهم إنهم أثروا في التاريخ البشري بشكل قوي جدًا.
بل إنهم أصلاُ هم اللي صنعوا التاريخ.
# والحقيقة من الحاجات العجيبة جدًا إنك لو تأملت حياة البشر على مَر العصور ، منذ لحظة خلق الإنسان لحد وقتنا الحالي،
هتلاقي إن التطور العلمي اللي حصل في أخر 200 سنة بس، مرورًا بوقت الثورة الصناعية لحد دلوقتي .. يُعتبر أكبر من جميع إنجازات البشرية على مَرآلاف السنين السابقة
- يعني لو جبنا إنجازات أخر 200 سنة حطيناها في كفة ، وإنجازات البشرية قبل الـ 200 سنة دول في كفة تانية .. فغالبًا كفة الـ 200 سنة هي اللي هتغلب!
# وده مش تقليل إطلاقًا من جهود السابقين،
بل بالعكس ، ده هُم حجر الأساس اللي إنحدر منه مُعظم العلوم والأفكار الموجودة حاليًا.
لكن الفكرة إن ثمار السنوات دي كُلها ماظهرتش غير في عصرنا الحديث،
وعلى إيد العُلماء دول ..