في البداية كده وقبل أي حاجة خلينا نصحح معلومة خاطئة مُنتشرة عند كتير من الناس،
- الحيوان الموجود في الصورة قدامنا ده .. مش نمر!
الله! هو إيه دا اللي مش نمر يا عم إنت؟؟ إحنا من صُغرنا وإحنا عارفين إن ده النمر صاحب الأسد ..
- في الواقع الكلام ده مش سليم
الحيوان المخطط اللي قدامنا ده اسمه حاجة من اتنين .. يأما نقول عليه (Tiger) بالإنجليزي .. أو يأما نقول عليه (ببر) .. وكلمة ببر دي بالمُناسبة هي لفظة عربية من أصل فارسي، وجمعها بُبور!
والببر تم ذِكر اسمه ووصفه في أمهات الكتب العربية ، زي كتاب (الحيوان) للفقيه والعالم المُسلم (أبو عُثْمان الْجَاحِظ) ..
وكذلك كتاب (حياة الحيوان الكبرى) للعالم المُسلم (كمال الدين الدميري)
- واللبس اللي حاصل في الموضوع، فهو بسبب الترجمة الحرفية الخاطئة للاسمه، من اللغات الأخرى اللي زي الإنجليزية.
لأن tiger المفروض تترجم لـ ببر مش نمر
# والنمر الحقيقي بقى ، ف هو الحيوان المنقط اللي في الصورة قدامنا ده:
وكلمة نِمر برده، مُشتقة من اللفظة العربية (نُمَر) أو (أنمَر) .. والشيء الأنمَر هو الشيء اللي فيه نُقط أو بُقع مُلونة ،
وده أصلا السبب في التسمية بتاعته،
أما اسمه بالإنجليزي فهو Leopard
والنمور بقى بأنواعها، اللي هي دي:
هي موضوع حلقتنا النهاردة ..