قصيدة بالعامية المصرية "جندي مجند"
تفاصيل العمل
جندي مجند في الخلا بيبات **
واحنا ننام في البيوت مطمنين
واقف بصدره للرصاص بثبات **
شايل سلاحه للعدا الملاعين
ويشوف مماته في الحياه مرات **
ماهو اصل روحه شايلها عالكفين
جاهز يضحي بالحياه واوقات **
يلقى جراحه سايله عالجنبين
هم جنود الجيش رجالة مش ستات **
صابر ولطفي ومصطفى وحسنين
ايد ندل غدارة لقلب حقود **
تروي بدم الجند ارض الطين
غايب واهله في انتظاره مات **
عزة وطن بتضحي بالغاليين
نحلف برب الأرض والسماوات **
لنجيب حقوقهم مالعدا الخاينين