ردود علي حل مشكلة

شكوي من صديق الصفحة بيقول :

ما الحل مع زوجة تم الانفصال عنها وتسريحها بالمعروف كاملة الحقوق ويشهد الله علي ذلك وتقول لأبني كلام بالكذب عني حتي يكهرني ماالحل معها وشكرا

اهلا بيك حبيت اقولك اني فاهم مشاعرك و نفسيتك في الوقت ده وهنا هقولك ردي

حقق مراد الله الاول :

وهو اتقي الله في نفسك و عز نفسك و حب نفسك وكرم نفسك و متجيش ابدا ابدا علي نفسك ... وحقق قول الله عز و جل يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لَا يَضُرُّكُمْ مَنْ ضَلَّ إِذَا اهْتَدَيْتُمْ في سورة [المائدة:105].... ملكش دعوة باللي بيعملوه مهما كان خليك مع الله و مع نفسك

حقق مراد الله الثاني :

هنا مهما حاولة يشوه صورتك ادام الدنيا كلها .... يجي قول الله في سورة الطارق ( {إِنَّهُمْ يَكِيدُونَ كَيْدًا ﴿ 15 ﴾وَأَكِيدُ كَيْدًا ﴿ 16 ﴾ فَمَهِّلِ الْكَافِرِينَ أَمْهِلْهُمْ رُوَيْدًا ﴿ 17 ﴾ سيبك منها و من اي حد في الكون خليك مع نفسك و امشي بتحقيق مراد الله في الارض ان تعتني بنفسك

حقق مراد الله الثالث :

هنا لما يجي ابنك او اي مخلوق يحاول يتحقق من الكلام ده فعليك بقول الله عز و جل ﴿فَذَكِّرْ إِنَّمَا أَنْتَ مُذَكِّرٌ (٢١) لَسْتَ عَلَيْهِمْ بِمُسَيْطِرٍ (٢٢) إِلا مَنْ تَوَلَّى وَكَفَرَ (٢٣) فَيُعَذِّبُهُ اللَّهُ الْعَذَابَ الأكْبَرَ (٢٤) إِنَّ إِلَيْنَا إِيَابَهُمْ (٢٥) ثُمَّ إِنَّ عَلَيْنَا حِسَابَهُمْ (٢٦) ﴾ ياعني متتكلمش في حاجة ذكرهم بكلام الله بس مش اكثر وان اللي انت بتعملة هو تحقيق مراد الله و ربنا هو المتكفل بكل حاجة

حقق مراد الله الرابع :

ولو نفسيتك تعبت اوي و تاذت من الكلام اللي بيوصلك من ابنك او بنتك او اختك او اهلالها او اي من كان متردش وانقل الموضوع الي الله هو الحسيب و هو الوكيل {الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ}، "آل عمران: 173". و امشي ملكش دعوة بيهم و خليك مع ربنا سيبك من هبد الناس و بلاويهم و عبطهم

حقق مراد الله الخامس و الاخير في حل مشكلتك :

انك تصفح الفصح الصفح الجميل انسي الدنيا كله هيجي عند الله بس تكون انت محقق مراد الله عشان ميبقاش عليك الحجة وطبق مراد الله (وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ ۗ وَإِنَّ السَّاعَةَ لَآتِيَةٌ ۖ فَاصْفَحِ الصَّفْحَ الْجَمِيلَ (85) يقول: فأعرض عنهم إعراضا جميلا واعف عنهم عفوًا حسنا وقوله ( إِنَّ رَبَّكَ هُوَ الْخَلاقُ الْعَلِيمُ ) يقول تعالى إن ربك هو الذي خلقهم وخلق كلّ شيء، وهو عالم بهم وبتدبيرهم ، وما يأتون من الأفعال

اسف علي الاطالة بس حبيت اقولك اني متفهم جدا جدا مشاعرك و ده كان ردي

اشكرك

#ahmed_mater

#أحمدمطر