حل مشكله واتساب بزنس بيخرج تلقائي بسبب البروكسي!

حابب أشارك تجربتي ف حل مشكله قابلتني في تطبيق واتساب بزنس

لعلها تكون سبب يستفيد به غيري

بعد إضافة ميزة تفعيل البروكسي في تطبيق الواتساب

في ناس بـ تستعمله ف انها تقفل الأنترنت عن تطبيق الواتساب فقط عن طريق كتابة بروكسي غير صحيح

حصلت مشكله معايا عند كتابة البروكسي بشكل عشوائي عشان افصل الأنترنت عن الواتساب

كتبت البروكسي بالشكل ده: "192.168.170.1:44773"

و بعد الضغط علي حفظ تفاجئت بخروج تطبيق الواتساب بشكل تلقائي و عند محاولة الدخول عليه يخرج تلقائي و لم استطيع فتح التطبيق

بعد محاولات كتير اكتشفت اني لو رجعت التاريخ لوقت قديم الواتس هيفتح الواجهة الخاصة بطلب تحديث تاريخ الهاتف

لحد هنا كده واقفين ف صفحة "طلب تحديث التاريخ"

هنسيب الصفحة دي شغالة و ننتقل لطريقة واحده من الطريقتين اللي هيخلونا نفتح صفحة الأعدادت عشان نلغي البروكسي

الطريقة الأولي (بأستخدام ADB):

بعد ما توصل الفون بالجهاز هتكتب الأمر التالي:

adb shell am start -n com.whatsapp.w4b/com.whatsapp.settings.SettingsDataUsageActivity

بعد ما تكتبة ف الcmc هيفتح معاك صفحة الأعدادات بتاعت الواتساب

الطريقة التانية لو مش هتعرف تنفذ الأمر مثلاً عن طريق adb

ف هتحمل التطبيق اللي ف الصورة ده و هتضغط عليه و هيفتح معاك صفحة الأعدادات بتاعت الواتساب

رابط التطبيق:

https://drive.google.com/...

_كود التطبيق (بتاع الطريقة التانية)

لو انت مبرمج او شخص هيعرف يكتب كود و ينشاء تطبيق ف الكود التالي هيسهل عليك الدنيا

Intent intent = new Intent();

intent.setComponent(new ComponentName(com.whatsapp.w4b, com.whatsapp.settings.SettingsDataUsageActivity));

startActivity(intent);

تمام كده ي شباب اذا استخدمت الطريقة الأولي او الثانية ف انت هتوصل لصفحة الأعددات بتاعت الواتساب هتلغي تفعيل البروكسي و ترجع التاريخ للوقت الحالي و مبروك عليك

اول مره اكتب عن مشكله قابلتني

بتقابلني مشاكل كتير زاي دي و طبعاً لو ملقتش ليها حل او حد شارح المشكله ف بفكر خارج الصندوق شوية و حقيقي ان الواحد يكون ملم بالتكنولجيا ده شئ جميل جداً لو مكنتش دخلت مجال زاي ده كان زماني ماسح التطبيق و منزلة من اول و جديد و خسرت كل الداتا اللي عليه

حتي لو كانت المشكلة دي بسيطة بس بحمد ربنا انه الهمني التفكير و الحل و زادني خبره بسبب مشكله

دمتم في رعاية الله