نتائج مشروع خاص باكاديميه كورسات الكتروميكانيكال

case study من اصعب التخصصات الاشتغلت فيها بس الحمد لله حقق مبيعات ٢٧ الف في اول اسبوع ووصلت ل 1,125,000 بصرف 118,000 جنيه في 8 شهور و ٣ وكلاء طلبو يسوقو كورساتو في ٣ دول مختلفه ما شاء الله معلش معرفتش ارفع صور كل الكامبينز لاني خدت منو صور من اكونتو فمبعتش كل حاجه وسافر دلوقتي امريكا ما شاء الله.

شهر يناير ٢٠٢٢ كلمني مهندس بيقولي انا بدي كورسات لمهندسين كهرباء ودا صديق للمهندس الكان صديق للمهندس الحكيت عنو فقصه نجاح رقم ٢.

اتكلمت معاه وفهمت ان الكورسات البيقدمها هما ٥ كورسات وطبعا عشان انا مهندس ميكانيكا وكنت شغال واشتغلت مع مهندسين كهرباء كتير ففهمت الدنيا وكمان كنت اكتسبت خبره من المهندس الاشتغلت معاه فكنت خلاص فهمت مهندسين كهرباء محتاجين ايه.

بس طلع الموضوع اصعب ? لانو بيدي كورسات لحساب الاحمال والانارات فتصميم مش تنفيذ وكمان بيشرح برامج صعبه ولسه جديده وكمان كان اول واحد فالمجال عامل فكره ال mini courses ومكنش ليه اي منافس ومفيش حد بيشرح الحاجات دي.

الصفحه كانت من ٢٠١٨ بقالها ٤ سنين وكان عليها متابعين حوالي ١٨ الف وبتحقق مبيعات وحاطط كورساتو علي udemy وكانت محققه ٦٠٠ مشترك فانا استغليت الحته دي عشان اسوق للكورسات وابين ان فعلا في مشتركين وريفيوهات وكان بيشغل اعلانات لنفسو بس مكنتش عارف اهميه التسويق والاعلانات علي الفيس فطبعا عشان اقولو الارقام الهنصرفها هيتفاجا وممكن يطلع الفكره من دماغو المهم اتناقشنا وقعدت اسبوع اذاكر وافهم ايه الكورسات دي واستخدامها واهميتها فايه عشان افهم واعرف مين هياخد الكورسات دي وهو ساعدني وقالي دي لا طلبه ولا حديثي التخرج هياخدوها دي علي الاقل مهندس خبره ٥ سنين وفاهم استخدامات البرامج عشان يجي يستخدم البرامج الانا بديها بيكون عارفها وعارف اهميتها.

طبعا اول حاجه حطيت خطه شهرين وكاعدت بحب اسوق من غير مقول اني ببيع الحاجه دي يمشي وهو كان مهتم بقصه البوستات التعليميه من الاول وكل يوم بينزلو ٣ ٤ بوستات فكان مسهل الموضوع بس مبيطلعش لايفات ولا بينزل بوستات فاتفقت معاه يطلع لايف مره كل اسبوع يشرح ويتابع المهندسين محتاجين ايه عشان نقدر نعرف pain points وال needs بزبط بردو والهي طبعا انا هستفيد ايه من الكورس زي كل اكاديميه بعمل معاها.

وبردو زي كل اكاديميه واديني واخدها كوبي من البوست الفات تاني حاجه قلتو يغير في طريقه الرد وميتاخرش فالرد علي الرسايل ويزود خدمه ما بعد بيع كورساتو لانها مسجله يعمل جروب واتساب واي حد عندو استفسار يسال ويكون ليه مكالمه فالاسبوع مدتها ساعه عشان يرد علي اي اساله وكل دا بدون زياده فسعر خالص.

تالت حاجه اتفقنا علي البادجت الشهريه وكانت ١٦ الف فشهر هنصرف كل اسبوع ٤ الاف طبعا اتخض قلتلو بس هنعمل تيست كدا ب ٢٧٠٠ جنيه كدا جرب معايا ونشوف الدنيا هتمشي ازاي وانا بردو منها اعمل تيست ونستفاد.

قلت هجرب حاجه الجربتها مع المهندس القبليه وقلت انا لا هعمل براندينج ولا هزود متابعين ولا اي حاجه انا هخش اشغل اعلانات رسايل وبيع علطول واتست اشوف ايه الدنيا.

وبدات اتست واشوف الكورسات اصلا مطلوبه ولا لا ومين العوزها واشوف انهي كورس فيهم عليه طلب كبير واخليه هو الاساسي فالاعلانات وكدا كدا عشان ميني كورس فلازم هيكمل وياخد الكورس البعديه والبعديه عشان يكمل الدبلومه كامله.

**?وقلتلو بس هنعمل حاجه اليشتري الكورس بتاعك هنحط ان لو بعد اسبوع حس انو مش مستفاد يقدر يسترد فلوسو.

*وعشان هو عارف مين السن بزبط المحتاج الكورس فسهل عليا كتير كل التيست هييقا فالكريتف بس.

عملت اول حمله ب ٢ فيديو و ٢ صوره و ١ carousel في كل الكورسات.

وشغلت الحمله ويكلمني بعديها ب ٥ ايام بزبط يقولي انا مش ملاحق علي المبيعات يا احمد الله يباركلك بعد اول اسبوع قالي انا بعت ب ٢٧ الف وانا صارف ٢٤٠٠ جنيه!.

قدرت بعد اول اسبوع اوصل لاكتر كورس مطلوب بناءا علي المبعات الحصلت وقلتلو كلم الناس معلش اعرف هما خبره كام سنه وهنعرف عندهم كام سنه واحدد السن ونشتغل عليه.

بعد اول شهر قلتلو طب منعمل براندج للطلاب وحديثي التخرج نفهمهم اهميه الكورسات دي وانهم كدا كدا بعد ٤ او ٥ سنين هيحتاجوها ووافق واتجهنا ان البوستات لمده شهرين هنزود بوستين فاليوم تبقا توعيه ونعمل حملات توعيه.

فعلا بعد شهر ونص المبيعات زادت اضعاف والطلبه وحديثي التخرج بيشترو اكتر بكتير من الفئه الهو كان متارجتها وشغال عليها.

وبدانا من شهر مارس لحد يوليو اني اعمل حملات واظبط الدنيا فمصر والمتابعين يزيدو وبناءا عليه هيزود المبيعات.

فشهر مايو طلب مني عاوز بقا يشتغل برا مصر وعاوز يستغل ان المشتركين في منصه يوديمي زادو جدا وعدو الالف قلتلو ماشي.

بدات اعمل براندنج الاول فسعوديه وبعدين الجزائر والعراق والبحرين وعمان والسودان كانت حملات لايكات للصفحه عشان يتابعو البوستات الهتنزل ويعرفو احنا مين وبنعمل ايه وايه اهميه الكورسات بتاعتنا وسنه سنه المبيعات بدات تزيد برا مصر.

بعد ٨ شهور حسبنا العائد والحمد لله طلع حقق 1,125,000جنيه باجمالي بيع حوالي 1227 نسخه من الكورسات والمتابعين من 18 الف وصلو ل 49 الف حاليا.

شهر نوفمبر الفات كلمو اكاديميه فالسعوديه وخدت توكيل منو انها تبيع كورساتو وبعد كدا السودان كلمو شركه مقاولات واستشارات هندسيه انها تسوق كورساتو بردو وبعد كدا نفس الكلام فالجزائر.

لحد ما شاء الله شهر ١٢ الفات تواصلت معاه اكاديميه كبيره جدا فامريكا وطلبت منو انو يمسك الاكاديميه ويبقا المسؤول عن قسم electrical عندهم.

وكل دا فضل وتوفيق من ربنا انا كنت سبب بس ربنا حطو عشان نجاحو.

لو عندك بيزنس ومحتاج استشاره او عاوز تزود من مبيعاتك ممكن تتواصل معايا وان شاء الله اقدر اساعدك