طرد آدم وحواء من الجنة

نُبحِر للمرة التانية؟!

ومالو #نُبحِر مانبحرش ليه يعني؟!

تعالى كدا بآلة الزمن لبعيييد أوي، مش زي المرة ال فاتت لحد مانوصل لبداية الخليقة.. لأ بعدها بشوية لحد ماوقفنا لحد ماآدم وحواء وعزازيل (إبليس) انطردوا من الجنة ونشوف عملوا إيه ف الأرض..

.

لما آدم وحوا أكلوا من الشجرة بدت لهما سوءاتهما.. طيب قبل ماياكلوا؟! قبل ماياكلوا كانوا مستورين بثياب من نور على عورتهم.. فلما أكلوا من الشجرة المنهي عنها اختفت الثياب دي واتكسفوا وبقوا يخبوا نفسهم بورق من ورق الأشجار وآدم طلع يجري من ربنا عشان ميشوفهوش بس حاشا لله يعني دا هو المطلع على كل شئ فناداه ربه: أفرار مني ياآدم؟!

قال: بل حياء منك والله يارب مما جئت به..

.

شوف ياأخي.. وندم آدم على فعلته فاستغفر ربنا عليها بكلمات ربنا كان معلمهاله طبعا قبل كدا فربنا غفرله الذنب بس الجزاء استمر وأهبطه وهو وزوجه للأرض..

.

وهناك أقوال بتقول إن الكلمات دي هي دعاء سيد الاستغفار..

وأقوال بتقول إنه استسمحه بحق محمد.. قاله يارب اسألك بحق محمد إلا غفرت لي.. فقال الله: كيف عرفت محمد ولم أخلقه بعد؟!

قال: يارب لأنك لما خلقتني وجدت مكتوب على قوائم العرش لا إله إلا الله محمد رسول الله فعلمت أنك لن تضف لاسمك اسم إلا وكان أحب خلقك إليك..

فغفر الله له..

.

ونزع جبريل _بعد أمر من ربه_ تاج آدم.. ونزعل ميكائيل عنه التاج..

ونزلوا بقى الأرض تعددت الأقوال في مكان النزول ففيه أقول بتقول إنهم نزلوا في (دحنا) بين مكة والطائف..

وأقوال إنهم نزلوا بالهند وكان معاه الحجر الأسود من الجنة..

وأقوال إنه آدم نزل ف الصفا وحواء نزلت ف المروة..

.

مش هتفرق أوي مكان النزول فكدا كدا كانت الأرض مأواهم..

بعد كدا جاءه جبريل ببعض القطن وعلم حواء الخياطة وعمل النسيج ودي كانت أول صنعة ف التاريخ..

وعلمهم الزرع كمان.. ودا كان بسبب جوعهم وبسبب عرائهم ال ربنا قال إنهم مش هيعانوا منه ف الجنة لما قال (إن لك ألا تجوع فيها ولا تعرى.. وأنك لا تظمأ فيها ولا تضحى)... جاعوا فاتعلموا الزرع وأكل الزرع.. واتعروا فاتعلموا النسيج والخياطة عشان يستروا نفسهم.. وتزاوجوا ليعمروا الأرض بأطفالهم..

.

طبعاً بنقول يااه لو مكنش آدم أكل من الشجرة كان زماننا بعيد عن كل العناء بتاع الدنيا دا ومتهنيين ف الجنة.. ودا كلام أول حد قاله كان سيدنا موسى..

.

ففي مرة قال موسى لربه يارب هلا أريتني آدم أبونا؟!

فلما شافه قاله: أنت آدم ال خطيئتك خرجتنا كلنا من الجنة؟!

قاله آدم: أنت موسى صاحب المعجزات وصاحب الألواح واللي ربنا فضلك بكلامه بتلومني على حاجة هي مكتوبه عليا قبل مااتخلق بأربعين سنة!!

.

وبعدين دا ذنب تاب منه.. والتائب من الذنب كمن لا ذنب له..

.

فمنلومش آدم هو خلق لكدا ومكتوب عليه كدا.. بس لحظة بس منعملش الغلط ونقول ماهو مكتوب عليا.. لأنه ربنا قبل ما يطرد آدم من الجنة وراله ذريته كلهم ومين فيهم داخل الجنة ومين داخل النار فاعترض آدم إنهم مكتوب عليهم حتى أخطائهم فربنا فهمه إنه كل واحد فيهم مكتوب عليه خيارين وهو ال بيختار بقى أيهما يسلك