Grand notion

إزاي تتعلم من كوستا تعمل براندنج صح؟

كلنا إتفاجئنا بالري براندينج اللي قامت بيه كوستا مصر..بس قبل ما نسمع رأيك في قرارهم خلينا نشرحلك ببساطة البراندينج هو إيه؟

البراندينج هي الصورة اللي بنرسمها من خلال إسم وهوية البراند في ذهن العميل .

يعني لو سألتك عن عربية سريعة هيجي في بالك نوعها إيه؟

أنت كمصمم جرافيك دورك في البراندينج هو تصميم هوية العلامة التجارية اللي هي «اللوجو»

وتعالى دلوقتي نتعرف على أنواع البراندينج عشان تزود فهمك للبراندينج :

- Couse branding -

ببساطة هو التعاون بين علامتك التجارية بمؤسسة خيرية فتتعرف في ذهن العميل بالمؤسسة دي.

- Digital branding -

البراندنج من خلال السوشيال ميديا، إفتكر إنه سهل الإنتشار عليه بس بردو صعب إن العميل يفتكرك وسط كل البراندات اللي بتظهرله يوميًا!

- Co-branding -

وهنا ممكن تلجأ بعض المؤسسات إنها تشارك علامة تجارية تانية مشتركين في نفس الشريحة المستهدفة وبيستخدموا إسلوب مشابه وقيمة مشابهه.

- Country branding -

هنا بنتكلم عن البراندنج للسياحة لدولة ما..أكيد وأنت بتسكرول على الإنترنت شوفت عبير الصغير وهي بتقول: حبيبي come to egypt ...عدد مشاهدات الفيديو ده عدت 12 مليون وفيه أجانب إستخدمت الساوند وهتزور مصر قريب!

- Personal branding -

مش شرط البراندنج هنا هو براندنج المكان اللي بتشتغل فيه، أنت كمان كـ مصمم جرافيك أو صانع محتوى مهم جدًا تهتم بالبريسونال براندنج، ببساطة لما حد يسمع إسمك هيتقال عنك إيه؟ إيه اللي هيميزك وسط كل اللي بيشتغلوا معاك في نفس المجال؟

بس السوال المهم دلوقتي لى البراند ممكن يعمل ريبراندنج اصلأ؟

العلامة التجارية بتفكر في الريبراندنج لو شافت إن أي عنصر أو عناصر البراندنج مش مناسبة للفئة المستهدفة والسوق، والعناصر دي هي:

اللوجو – الإسم – السلوجن – أحجام المنتج – الألوان المستخدمة

فمثلًا السوق في فترة من الفترات كان بيميل للألوان الغامقة فظهر براندات بتستخدم اللون الإسود كتير سواء في اللوجو أو ألوان المنتجات نفسها، حتى المحلات في الشارع كانت بتستخدم واجهة سودا..

فبنسألك شايف إيه الإتجاه اللي بيختاره أغلب البراندات في البراندنج؟ وليه كوستا عملت ريبراندنج؟