الترويج بالمحتوى مع Growth Engine

بالمحتوى كسرنا المليون!!.

شركة عندها صفحة على فيسبوك، بتعتمد على نوع واحد من المحتوى في الترويج بالمحتوى، والصفحة بردو أداءها مش أحسن حاجه أو أصلًا كان معدوم.

بدأت شغل معاها في الترويج بالمحتوى لتحسين أداء الصفحة على الفيسبوك، والوصول لعملاء أكتر.

في الفترة من 01-06-2022 إلى 31-12-2022

بدأت أول حاجة بتحليل أداء الصفحة وقارنتها بالمنافسين المباشرين، واللي ظهر إن المنافسين ضعاف جدًا في تواجدهم على السوشيال ميديا، وقليل جدًا جدًا جدًا اللي متميز في قناة ترويجية واحدة، ومهمل جدًا في الباقي.

كنت محتاج يكون فيه Benchmark أقدر أقيس عليه، بحيث تكون الدنيا أدق أكتر من ناحية الأرقام وطبعًا مش هقدر أعتمد في دا على المنافسين لضعف أدائهم، بس خدت هنا طريقين.

الأول:

جمعت خمسة منافسين مع الشركة اللي شغال ليها، وطلعت متوسطات لأرقامهم وأدائهم.

الثاني:

خرجت برا الـ نيتش اللي الشركة بتلعب فيه، وحطيت لنفسي منافس في نفس الصناعة لكن تخصص مختلف، وهو منافس رائد في المجال بتاعه (منافس أرقام وأداء).

بعد كدا...

سألت نفسي سؤال؛ هو العميل بتاعنا بيحب محتوى من أنهي نوع، وبيتفاعل مع إيه أكتر؟

ده خلاني عملت online survey، وطرحناه على عدد من العملاء ويوم مع التاني بدأت تظهر نتائج الـ survey.

بناءً على النتائج، خدت توجهات جديدة ومختلفة تماما في الترويج بالمحتوى وكمان القنوات الترويجية المستخدمة.

وكان الهدف الأساسي والرئيسي بالنسبة ليا خلال 3 شهور هو تحديد بدقة إيه أنسب محتوى للعميل بتاعنا وفهم سلوكه، واستراتيجية ده إن يكون فيه تنوع واستخدام لمعظم أنواع المحتوى في أول 3 شهور.

وبعد 6 شهور قدرنا نوصل بالصفحة الخاصة بالفيسبوك للشركة لأكتر من 1,000,000 شخص كـ وصول واتحسن جدًا معدل التفاعل وده سمَّع معانا بشكل قوي جدا في إن ناس كتير بشكل أورجانيك بدأت تسأل عن الشركة وخدماتها، وزود حجم المبيعات.