اختيار الانفلونسر

قبل كم يوم كان على سوشيال ميديا فيديو بتكلم عن واحدة انفلونسر رسلت لي فندق انها تجي تقعد عندهم مقابل تكتب ريفيو كويس عنهم...

ادارة الفندق رفضت وقالت ببساطة لااااا شكرا يا ستي ... ومبرراتهم كانت انتي ياجميلة لو قعدتي منو ح يدفع مصاريف الناس اللي ح تخدمك... وفواتير الجناح اللي ح تنزلي فيهو واكلك وشرابك والجيم والمسبح واللي واللي...

هي زعلت جدا وقالت كيف يرفضو ليها.. وعملت فيديو تاني انها زعلانه وكيف يرفضو ليها وكدا...

ادارة الفندق قامت عملت شنووو... رفضت تاني ومنعت حتى دخول اي انفلونسر للفندق....(قبل فترة مش كان حصل كيس ذي دا لشركة طيران في سوانا دا ؟؟؟

المهم المهم... وانا بتفرج ع فيديوهات لقيت واحد منها لي Ashton Kutcher الممثل الأمريكي.. .. الفيديو عن شركة لي لينوفو...

الشركة عملت معاو شنو كاانفلونسر ... وهم عاوزين يعملو حملة بتاعت انفلونسر ... الحملة اتعملت بذكاء شديد ومصداقية كبيرة جابو الممثل اشتون لانو معروف انو فاهم في التكنلوجيا والشغلة دي شغلتو وكان عمل دور استيف جوبز في واحد من الأفلام لانو بحب التكنولوجيا ولانو ممثل محبوب وعندو متابعين كثيرين

الشركة عملت معاو عقد.. بس مش عقد انفلونسر ... لا العقد انو يشتغل product engineer في الشركة لمدة سنة .. دور انو يقيم المنتج ويساهم في تحديث المنتج وتطويرو لحدي ما يطلع المنتج للسوق .. يقعد مع الناس يسمع منهم ويقعد مع المصممين واي ايفنت هو ال بتكلم فيها ويشرح المنتج ... بعد كدا بعد المنتج يطلع ح يكون ف مصداقية

وبعد دت كلو بقى هو الوجه الإعلاني ل لينوفو بكل مصداقية لانو هو شغال في الشركة مش ممثل وانفلونسر

انت كصاحب/ة بيزنس لو عاوز/ة تستخدم الانفلونسر ح تختار/ي كيف؟