ليه بنحب الفضاء

ليه بنحب الفضاء؟

الفضاء بالنسبة لكتير مننا مش مجرد غازات وغبار كوني، الفضاء هو الفراغ الشاسع اللي فيه بنعوم في أحلامنا وتأملاتنا، بتصوراتنا عن المجهول اللي كنا بنتخيله واحنا أطفال.

كان فيه مننا اللي بيشوف الفضاء عبارة عن بحر وإن النجوم عبارة عن أضواء سفن كونية بتعوم من مجرة لمجرة تانية، أو إن النجوم هي قناديل مضيئة بتطفو عشان تدور على حاجة تلسعها من غير ما تخاف من حد يصطادها.

القمر، وإحنا مش فاهمين هو ليه فيه قرص جبنة فرنسية بيجري ورانا، وساعات احنا بنجري وراه بس عمر ما حد فينا قدر يلحق التاني.

طب إزاي السحاب بيتحرك؟ وهو إيه هو السحاب أصلا؟!

هل هو دخان محركات الفحم اللي موجودة في السفن اللي بتعوم في الفضاء، بس مبقاش فيه محركات فحم تاني واحنا في عصر التكنولوجيا، ممكن تكون دخان شوي أسماك اصطادها البحارين الكونييين بسبب رحلاتهم اللي بتاخد سنين ضوئية عشان تكتمل.

ليه فيه طيور كبيرة معدنية بتعوم في الفراغ ده ؟؟ هل ديه طيور نورس بتدور على صيدة سمك تسد بيها جوع المسافرين جوة بطنهم.

عمرنا ما قدرنا نوصل للإجابات الصح واحنا أطفال وده سبب حبنا الكبير لإستكشاف أسرار الفضاء وحلها، وإننا نطلع إجابات ترد على كل أسئلتنا عن المساحة المجهولة ديه.

احنا في Y space مؤمنين إن كل شخص مننا لازم يغذي شغفه سواء عن طريق القراءة، البودكاست، الفيديوز … إلخ

متنساش تعمل لايك للبيدج و شير.