لماذا يجب الاهتمام ب LinkedIn

عارف انك بالنسبالك لينكدأن ده تطبيق معقد وبتخش عليه بتحس نفسك مش فاهم حاجه ف بتخرج متعقد

طيب تعالي اقولك ازاي تخلي تطبيق لينكدأن يبقي مفيد جدا بالنسبالك ويبقي من التطبيقات الرئيسية ليك ⭐️

اولا انسي خالص انه لينكدأن بتاع وظائف بس لينكدأن زي اي تطبيق سوشيال عليه كل حاجه من اول التافهه لمناقشة الاراء السياسيه

اتفقنا انه مش مخصص للشغل بس

طيب لو انت بتبدأ كارير او لسه مبتدأ لينكدأن هيفيدك ف ايه ؟ جرب بس تبحث عن المجال الي عاوز تدخل فيه وانت هتلاقي كم معلومات قيمة جدا جدا وهتلاقي عكس باقي التطبيقات اني المعلومات الاحترافية التقنية جدا موجودة قدامك بدل سحلة فيسبوك بين 1000 جروب وبيدج

طيب لو انا محترف في مجالي هيفدني بايه ؟ مش هتلاقي احسن من بيئة كل الي بيتكلمو فيها بيتكلمو بيزنيس بس انك تستعرض مهاراتك ونتايجك وارقامك قدامهم

سهله اهي ?

طيب لو انا بيزنيس هيفيدني بايه ؟ انت عشان فاهم SEO ف بقول لحضرتك اني Linkedin مصنف من اقوي المواقع الي بتظهر في ال SEO في انت لازم تدخل البيزنيس بتاعك علي لينكدأن عشان تحافظ علي ال SEO بتاعك يكون قوي ↗️↗️

بعد متخلص البوست ده روح ابحث عن المجال الي مهتم بيه وانت هتتبسط جدا من الي هتلاقية ?

واخيرا اذكر كم مرة قولت لينكدأن في البوست