كتابة محتوي للأستاذ احمد ثابت (عن كتابة المحتوى)

لو بتشتغل في كتابة الإعلانات والمحتوى دول 7 طرق أو تكنيكس لازم تبقى عارفهم كويس وتستخدمهم في شغلك عشان هيساعدك بشكل كبير.

1- تكنيك Before – After – Bridge:

ده تكنيك بيعتمد على توضيح المشكلة وحلها و المُنتج والخدمة اللي ساعدت على الوصول للحل

2- تكنيك Problem – Agitate – Solve:

وممكن نوضحه في 3 نقاط مختصرة وهم توضيح المشكلة، تضخيم المشكلة وتأثيرها، تقديم حل للمشكلة من خلال الخدمة او المنتج اللي بنقدمه.

3- تكنيك Features – Advantages – Benefits:

التكنيك ده بيعتمد على:

1- توضيح الإستخدامات و المواصفات للمنتج أو للخدمة.

2- توضيح المميزات والفوايد اللي هتعود عليك من قراءة المحتوى و إستخدام المنتج أو الخدمة.

وده تكنيك مهم في توضيح مدى الإستفادة مش مجرد توضيح مواصفات المنتج.

4- تكنيك The 4 U’s:

التكنيك ده عادة بيستخدم في المحتوى اللي في شكل مقالات لأنه تكنيك مهم جداً إستخدامه في العناوين، و الـ 4u's دول كل U منهم بتعبر عن حاجة وهي:

ا1- Useful ودي بتبين قد إيه المحتوى مفيد للقراء.

ا2- Urgent ليه لازم يقراه بسرعة.

ا3- Unique وعد في عنوان المقال إن المحتوى مختلف.

ا4- Ultra-specific ودي بتبين قد إيه الموضوع اللي بتكتب عنه محدد ومركز.

5- تكنيك الكتابة لشخص واحد:

من الأساليب المهمة جداً في كتابة المحتوى إن القارئ يحس إن الموضوع ده مكتوب ليه هو بالتحديد، عشان كده مهم جداً تفهم مين القارئ كويس اوي وتقدمله محتوى مهم و مناسب ليه ووده بيحصل لما تفهم مين الـ Persona بتاعة جمهورك المستهدف بدقة.

6- تكنيك الـ Storytelling:

التكنيك ده بيحصل من خلال إنشاء قصص مقنعة عن البراند و خدماته أو منتجاته، القصص دي بتسيب تأثير قوي في عقل القراء، وهنتكلم عن التكنيك ده بالتفصيل بعد كده.

7- تكنيك الـ So What؟

التكنيك ده عبارة عن سؤال بتسأله لنفسك عن المحتوى اللي هتكتبه، وهو سؤال "So what؟" أو "ليه ده مهم للقارئ؟" بمعنى إنك ممكن تقول ان عندك أسرعة مكنة بتعمل قهوة، بس ده هيهم القارئ في إيه؟ هيهمه إنك هتقدمله قهوة بسرعة تخليه ميتأخرش على شغله مثلاً، وهكذا فكر دايماً في الافادة اللي هتعود على القارئ فا يقتنع