إعادة تكوين حياتك

بعد ما حددنا شكلنا اللي طول الوقت كان نفسنا فيه، هنحدد دلوقت البيئة من حوالينا سواء كديكور أو كبيت أو كروتين حياة. وطبعا مش محتاجة أقولك ان الحاجة اللي متقدرش تحققها دلوقت ممكن تحطها في قايمة أمنياتك وربنا باذن الله يجمعك بيها في وقت قريب.

بعد كده هنشوف الحلم اللي كان عندنا أصلام الأول: انت كنت عايز تبقى إيه م الأول ونفسك تبقاه دلوقت وتبدأ تحط خطوات صغيرة عشان تحققه مثلا واحد كان عنده تخصص دراسي نفسه فيه واتخرج فيقوم يدخله جامعة مفتوحة أو دراسات عليا، أو ممكن نقرأ فيه ونشوف الدراسات اللي محتاجينها عشان نقدر نشتغل فيه. ولو لسه بيدرس ممكن يحول القسم أو الجامعة لو هو مش عايز يعمل دراسات عليا بعد ما يتخرج، ولو حد . ثانوي يبقى يقرر الشئ اللي نفسه يدرسه ويدخل الكلية اللي بتدرسه مهما كان مجموعة عن طريق تشابه الكليات اللي بتتطلب مجموع عالي والكليات اللي بتتطلب مجاميع أقل، وطبعا لو لسه في اعدادي محتاج يركز إنه يفهم اللي بياخده كعلم وميهتمش بالدرجات قوي لان الدرجات ملهاش لازمة الا ساعة دخول الثانوي أو الكلية. يعني في

ده لو كان اللي نفسك فيه شئ بيتدرس، طاب لو هوايه عايز تكمل فيها، هتروح تشتغل بدوام جزئي لو انت طالب أو تكمل في شغلانتك لو انت متخرج وبتشتغل بالفعل، وتاخد كورسات أو تروح معاهد بتدرس الهوايه دي أو حتى أونلاين أهم حاجة انك تدور كويس ومتقلقش باذن الله مهما كانت هوايتك ربنا هيوفقك وتلاقي المكان اللي تتعلم فيه ويريحك. وكمان ممكن تروح تشتغل تحت إيد حد مثلا يعلمك وتمسك الشغل من بعديه.

المهم إنك دايما طالما بتحب الحاجة دي متفقدش الأمل، وكمان لازم تعرف إن الحياة مفيش حاجة بتيجي فيها مرة واحدة يعني مثلا حاجة اتعلمتها قبل كده عمرها ما هتترمي فالزبالة او هتكون ضيعت وقتك فيها؛ لإن مفيش أبدا أي حاجة اتعلمتها مش هتفيدك في يوم من الأيام. كل الحاجات هتفيدك وكل الحاجات عشان توصل لها لازم تاخدها واحدة واحدة ولا هتتعلم كل حاجة في نفس الوقت ولا هتتعلمها في نفس المكان. نوع مصادرك ومتأجرش دماغك لحد واعرف أكتر من وجهة نظر في الحاجة اللي بتتعلمها. ودايما خد راحة فالنص ومتقارنش نفسك بحد ولا تسابق حد لإنك داخل مسابقة مع نفسك مش مع حد تاني.

(5