صحة الأم ( سكر الحمل)

السلام عليكم من الحاجات المهمة جدا أثناء فترة الحمل هو متابعة السكر وتوقع سكر الحمل

١ *ايه هو سكر الحمل* ؟

عدم قدرة الجسم على التعامل مع الكربوهيدرات مما يؤدي إلى ارتفاع نسبة الجلوكوز في الدم

٢ *ايه الفائدة لما اقيس مستوى السكر واظبطه* ؟

مستوى السكر المظبوط بيحمي الطفل من مشاكل كثير منها حجم كبير جدا ،او تشوهات في القلب أو الجهاز العصبي بسبب زيادة الجلوكوز ،أو تعرضه للموت بسبب نقص الجلوكوز ،وحماية *للأم*من أضرار السكر عليها زي التهابات مجرى البول ،واخذ في الحسبان حدوث السكر فيما بعد

*طيب ايه المطلوب؟؟*

هو إن الحامل? تقيس سكر صائم ٨ ساعات وتراكمي في أول زيارة للطبيب

عشان لو في أي مشكلة في التحليلين دول بيعمل اختبارات تانية تأكد الموضوع ، فنتعامل معاه ودي بندور عليها في الاسبوع ٢٤ إلى الأسبوع ٢٨ لأن دي الفترة اللي بتزيد فيها مقاومة الأنسولين

*طب مين اللي نركز معاهم في موضوع السكر ؟؟؟*

الأفضل إن كل الامهات يتعملها بس في مجموعة كده ليهم أهمية أكبر

الأم اللي حملت في سن كبير أكبر من ٣٥

عندها تاريخ مرضي في العائلة للسكر

عندها تاريخ لولادة طفل وزنه كبير أكبر من ٤,٥ كيلو أو اكتر

أو أي مشاكل في الولادات السابقة زي تسمم الحمل

أو لو هي تخينة ووزنها زيادة ، مؤشر كتلة الجسم أكثر من ٣٠

أو عندها أعراض مقاومة الأنسولين زي اسمرار في الرقبة من الخلف أو زوائد جلدية فيها

فالمهم إن نكون حاطين الموضوع في الحسبان ونتابعه باستمرار

وناخد بالنا من شوية تعليمات للأكل والرياضة وفيتامينات تمشي عليها

*ايه هي تعليمات الأكل* ؟

تآكل أكل صحي ومتزودش في السكريات .

وتاخد حمض الفوليك كحماية للطفل .

*لو طلع عندها سكر حمل فعلا ايه الحل؟*

بتتابع مع دكتور الغدد لغاية ما السكر يتظبط وأهم شئ أنه يتظبط بالتدريج

وكفايه كده ?

سلام ️