حسن الظن بالله
تفاصيل العمل
ليه وصلنا للحال دا ؟..
قصدك ايه بالحال دا ..؟!
أقصد الجمل الكتيرة اللى بقينا نسمعها كتير جدا الفترة دى ..زى ( مش طايق نفسى ) ،( خلقى ضيق ) ، ( مبقتش مستحمل ) ،وكل الجمل المشابهه للنوع دا ...
طب ليه صبرنا قل أوى كدا ،ومش بقينا مستحملين أى حاجه ..؟!
وعشان اقولكم رأيي ، هكلمكم الأول عن تجربة شخصية ...
كان فى فترة فى حياتى ،كانت حرفيا اجمل فترة فى حياتى من يوم ولادتى لحد انهردا ...
أكيد السؤال ..ايه اللى خلاها أجمل فترة ..؟!
الإجابة، هى إجابة كل الاسئلة اللى فوق ..وهى حسن الظن بالله ،وعايزين نحط كذا خط تحت الجملة دى ...
تجربتى الشخصية انا لسه هقولك عليها ... ممكن تحسها تافهه بس هى بجد فتحت بصيرتى على حاجات كتير ...
الحكاية انى كنت فى مرة بساعد والدى فى شغله ،فكان فى ماكينة فورى ،وكنت محتاجه كرت اطبعه عليها ،ولكن نظامها كان معلق من وقت طويل فى اليوم...وقتها قولت لنفسى ( يا رب أنا واثقة فيك إن الماكينة هتشتغل وتطبع الكارت دلوقتى ) ،والله وفعلا اشتغلت وطبعت الكارت رغم المحاولات الكتيرة فى انها تشتغل من بدرى ...
بجد يا جماعة .. من ساعتها وأنا عرفت قيمة جملة ( حسن الظن بالله ) ،وعشت بيها من وقتها ...
عارفين .. حتى الابتلاء وقتها كان ليه لذة ومتعة ...
جربوها بجد .. صدقونى هتعينكم قوى على حال الدنيا المتبدل دا ،وساعتها مش هيفرق معاك تبدل حالها ؛ لأن كل حال فيهم ليه لذة خاصة بيه
قال رسول الله ( صلى الله عليه وسلم ) عن الظن بالله : " انا عند ظن عبدى بى "
فأحسن الظن يأتيك الخير سعيا
بطاقة العمل
| اسم المستقل | Abeer M. |
| عدد الإعجابات | 0 |
| عدد المشاهدات | 49 |
| تاريخ الإضافة |