محتوى توعوى عن التدخين

انت اللى بتتحكم ف ايديك تمسك ايه ..لكن هل تقدر تمنع الحاجه اللى قررت تمسكها انها تؤذيك..؟

سؤال محتاج تفكير حقيقى ..

من رأيي اننا نقدر ... هتقولى ازاى .. ؟!

اقولك يا سيدى ...

بمنتهى البساطة ... لو انا عرفت ان اللى همسكه دا فيه اذى ليا وممكن يضرنى يبقى انا اقدر امنع نفسى بكل لطف وتسامح نفسى انى امسكه اصلا ....

زى ما كل كيان ناجح قرر يختار اللى ينجحه ويبعد عن اللى يأذيه يبقى كلنا نقدر ...

عندك مثلا شركة كبيرة زى شركة ادوبى قررت تستخدم افكار وايدين موظفيها وتعمل برامج تفيد بيها البرية مع ان بالدماغ دى كان ممكن برضه تعمل حاجات تضر البشرية وممكن فلوسها اكتر بكتير زى ما كلنا عارفين .. بس هى بعدت ع الشر وغنيتله زى ما بيقولوا، وعشان كدا نجحت ف النور ...

طيب وخد دى كمان ..

اللاعب العظيم ميسى قرر يبعد عن اى حاجه تضر جسمه سواء سجاير او اكل غير صحى عشان يفضل محافظ ع لياقته وصحته وبالتالى موهبته ونجاحه ..

اقنعتك صح ?

طيب بالذمة كم واحد من اللى قرأ البوست دا استخدم ايده وشرب سجاير مع انه عارف كويس اوى مدى ضررها وبتسلل بخباثة التعبان اللى بيستنى الفرصة عشان يقتل فريسته ..

كلنا عارفين خطورتها وكلنا قررنا ف لحظة ضعف نمسكها بس يا ترى كلنا هنختار نبعد عنها... ؟!

فرصتك لسه قدامك ..ارميها قبل ما ترميك ف دوامة المرض ..