العميل هو صاحب الشركة!

العميل هو صاحب الشركة!

لما ليلى صدقي صاحبة محلات Nola cupcakes، سافرت تدرس في مونتريال بكندا، بعيدًا عن عيلتها، حست بالحنين والوحدة لإنها بتحب جو العيلة واللمة، ولما كانت بتزور مطاعم مونتريال اكتشف حبها للطبخ وإنها عايزة تشارك ده بالدفء والحب اللي بيجي لما نعمل أكل لحد بنحبه ولما رجعت استغلت شغفها لخبز الحلويات، حبها لجو العيلة، ونشر السعادة وأسست Nola cupcakes

مبنية على التكاملية - Nole Cupcakes

بعد 12 سنة من بداية Nola cupcakes قدرت تفتح أكتر من 20 فرع وتبني علاقات قوية مع العملاء وتكبر البيزنس.

"لمة العيلة حاجة مميزة عندنا في مصر، وفي الغالب الناس بتحب تقدم حلويات للضيوف أو في الزيارات، لأن الـCupcakes صغيرة، طعمها مميز وتقدر تشتري منها flavors مختلفة." ده كلام ورؤية المؤسسين ليلى وعادل صدقي والسر في نجاح سلسلة محلات نولا.

حلويات نولا فيها لمسات غربية وأصناف شرقية، ورسالتها هي نشر الفرحة والتشجيع على لمة العيلة، وعشان كده عملوا Cupcake مناسبة للحفلات كمان مش الزيارات بس وبقى من المحلات المحبوبة والمشهورة في مصر.

إيه السبب إنهم قدروا يوصلوا للنجاح ده؟

السبب ببساطة: رؤيتهم الواضحة وتركيزهم على نقاط التميز اللي حددوها من البداية، نقطة التميز مش بس بتكون في الجودة والسعر لكن اختاروا ميزتهم التنافسية على أساس مشاكل العميل والإحساس اللي ناقص في حياته.

إزاي تحدد نقاط التميز؟

الأول حدد الفئة المستهدفة لأن تحديد الفئة المستهدفة بيحدد أكتر من %80 من شغلك، حدد عميلك، ادرس سلوكه وتصرفاته عشان تقدر توصل لنقاط التميز اللي هيكون لها تأثير إيجابي على عملائك وبالتالي مبيعاتك وشهرة علامتك التجارية.

رسالتك هي اللي بتميزك لأن هي اللي بتحدد طريقة تعامل وولاء عملائك لشركتك، وكل ما كانت رسالة شركتك بتعبر عنك فعلا، كل ما قدرت تتحكم في شغلك، تزود مبيعاتك وشهرة شركتك.

عشان تبني بصمة وعلامة تجارية مميزة فعلا، تشوف النور والناس تتكلم عنها، كلمنا وإحنا معاك وهنوجهك لغاية ما تبني ميزة تصعب إنها تتقلد.