دور قصة البراند في الوصول للنجاح

الفكرة + الشغف = النجاح

"لما بدأت دار عصير الكتب تشارك في المعارض الدولية، اتفاجئنا أن السوشيال ميديا أنشأت لنا عالم من القراء منتظرين يشاركوا معانا المعارض في كل دولة، ووصلت الدار في الوقت الحالي إلى ما يقرب من إصدارها 500 عنوان.."

"محمد شوقي" مؤسس دار نشر عصير الكتب

أسس دار نشر عصير الكتب من 12 سنة، مكنش متوقع إنه هيواجه مشاكل كتيرة لكن ظهرت له تحديات مش متوقعة وأهمها نقص التمويل، قلة الخبرة في مجال النشر، ارتفاع خامات التصنيع واختيار العمل الأدبي المناسب عشان يشوف النور و كل ده سبب له وللدار ضغط وتشتت.

وبالتدريج والتجربة قدروا يزودوا رأس المال وعدد الكتب المنشورة وبقوا رقم 1 في مصر لأنهم حافظوا على هويتهم ورؤيتهم في مساعدة الشباب والمؤلفين.

مشاكل كتيرة بتواجه الشركات الجديدة وخصوصاً لو مجالها صعب زي نشر الكتب لكنهم بدأوا بمجهودات ذاتية، ورأس مال بسيط وشباب آمنوا بفكرتهم وهدفهم في نشر الثقافة.

- رؤيتهم هي زيادة المعرفة وده اللي ساعدهم على مواجهة المشاكل والتحديات والتوسع جوة وبرة مصر، وزيادة عدد الكتب والروايات المنشورة كمان وساعدهم على معرفة وتنفيذ القرارات المناسبة.

-أهم ميزة تنافسية بدأ بها عصير الكتب إنه وفر فرصة للشباب وشجعهم على الكتابة، نسج أفكارهم على الورقة ونشرها على الموقع في شكل روايات أو كتب.

عشان تنجح في إنك تبني شركتك مهما كانت ظروفك..

انت محتاج تحدد رؤيتك وهدفك لإن دول هما بوصلتك للطريق المناسب.

عشان تبني Business قوي، وقابل إنه يكبر ويتوسع..

رؤية البراند الخاص بيك بتعكس الطريقة اللي انت تقدر بيها تساعد العميل إنه يحل مشاكله وحياته تكون أحسن.

طب ازاي تحدد رؤيتك وهدفك و تقدر تبني عليهم براند قوي يعيش ويكمل مهما حصلت تغيرات في السوق والمنافسين؟

اكتب قصتك وحدد السبب الحقيقي لاختيارك مجال البيزنس ده بالذات.

اكتب قصتك عشان تبني بيزنس قوي ومستمر.

اكتب قصتك عشان تغير كل حياتك مش شغلك بس.

عايز تحدد قصتك.. رؤيتك وتسيب بصمتك في مجال البيزنس و كلمنا واحجز Your message session