مقالة عن زيادة المبيعات

إزاي تبيع صح؟

"أخبرني أحد الأشخاص بأنني وٌلدت رجل مبيعات موهوب… في الواقع أنا لم أولد للمبيعات ولكني تعلمت المبيعات وأي شخص يستطيع أن يكون رجل مبيعات ناجح."

جو جيرارد، "أفضل بائع في العالم" طبقًا لموسوعة جينيس في كتابه كيف تبيع أي شيء لأي إنسان.

?طيب إزاي جو قدر يكون أفضل بائع في العالم؟

جو جيرارد جرب طرق كتيرة ولاقي إنه هيقدر يبيع للعميل، لما يعتبره إنسان يستحق التقدير والاحترام، مش حد جاي يضيع وقت وبالتالي هيقدر يبني ثقة وصداقة مع العميل، يبني Bond مع العملاء حتى لو هما مش ناويين يشتروا عربية دلوقتي، ودايما حريص على رضاهم عشان يزيد احتمال إنهم يشتروا منه في المستقبل.

___________

جرب طرق كتيرة للتواصل مع العملاء وأسس sales system قوي عن طريق البريد أو التليفون، الكروت الشخصية وبالعمولة كمان، ودايما منظم في مواقع وطرق التواصل مع العملاء، وكان بيتواصل معاهم عشان يجربوا العربية الجديدة أو عشان يكلمهم عن صيانة العربية اللي اشتروها.

جو وفر لعملائه الخدمات اللي محتاجين لها بعد ما يشتروا عربية بسهولة وسرعة وبالتالي العميل مش بيشتري العربية بس منه لكن بيشتري راحة باله وبيوفر وقته ومجهوده.

والنتيجة إن جو جيرارد عرف يبيع 1425 عربية في سنة 1973 في المتوسط 6 عربيات في اليوم مع إن متوسط المبيعات لرجل المبيعات العادي 9 عربيات في الشهر.

___________

لكن من أكبر المشاكل اللي واجهته في البداية وبتواجه أي مدير مبيعات هو إزاي يخلي العميل يطمن له، يثق فيه ويقفل معاه الصفقة…

جو شاف إن المبيعات عاملة زي الحرب لأن العميل دايما خايف ومتأكد إن رجل المبيعات عايز يبيع له وخلاص وينجح على حسابه وعلى الناحية التانية رجل المبيعات شايف إن في عملاء كتير مش مستعدين ولا عايزين يشتروا لكنهم بيضيعوا وقت وفاكرين المبيعات تسلية، وده بينشر مشاعر العداوة ومستحيل حد يخرج راضي عن صفقة مليانة توتر وتحفظ بالطريقة دي وفرص البيع قليلة كمان في الجو ده.

____________

طيب إزاي قدر يبني ثقة مع العملاء عشان يبيع والعميل يكون كسبان وراضي كمان؟

جو جيرارد أسس رؤية لنفسه، واهتم بدراسة العملاء بتوعه أكتر ما يفهم في العربية اللي بيبعها وقدر يوصل لأسلوبه الخاص في التعامل عشان يميز نفسه وسط باقي رجال المبيعات سواء في طريقة لبسه وطرق الاهتمام والتواصل مع العملاء.

باختصار، عشان تبني قاعدة عملاء يثقوا فيك وتحقق الـ Target، انت محتاج تبني Sales system مناسب ليك وللموظفين اللي معاك.

مهم إن الـSales system يظهر مميزاتك التنافسية وبصمتك الخاصة في مجالك وتحسس العميل إنك عايز تقدم لك منتج يستحق قيمته وإنك مهتم فعلا بمصلحته.

____________

هتوصل لإجابة كل الأسئلة اللي بتدور في دماغك وتوفر عليك وقت، مجهود وتجارب عشان تحقق الـTarget اللي عايز توصل له وتبني علاقات مُربحة مع العملاء، لما تحضر معانا Maestro Workshop لمدة 3 أيام هتتعلم فيهم الـbusiness system اللي هيساعدك تحقق أهدافك وتثبت رجلك في السوق.