خلي الفضول ياخد مجراه!!

خلي الفضول ياخد مجراه !!

هدف التسويق لأي Business إن عين العميل تفضل علينا و يتابعنا أول بأول ، بندور دايمًا انه يكون loyal لينا بشكل أو بآخر ..

من الأدوات اللي بنستخدمها أحيانا علشان نحقق ده هو اننا نشتغل على فضول العميل اللى بنسميه Curiosity marketing

بنخلق لغز برسالة تشويقية غامضة تثير فضوله ،تخليه حابب يستنتج و يخمن ايه الحل ؟ طب ايه المقصود ؟ وليه وازاي ؟ بنستدعى الفضول اللي جواهم ..

احنا هنا ركزنا على حاجة اسمها فجوة الفضول Curiosity gap

و هى الفجوة بين اللى العميل عارفه و بين اللى عاوز يعرفه!

فاكرين اتصالات لما عملت كامبين بدأ بإعلان تشويقى فيه بس كلمة "هباداباديم" عملت تفاعل كبير على السوشيال ميديا فجأة كله بيحاول يتوقع ده ايه و يخمن ايه علاقته باتصالات ..

الحملة وقتها حققت تفاعل كبير وبقت Viral

قبل ما يتم الاعلان عن حل اللغز انه "الهباداباديم" دى تعويذة هترعب أى منافس لمنتخب مصر ..

وبعدها الإعلان التاني بتاع أحمد حلمي ( سدد جون الساقة بالون ) وغيرهم كتير ..

لكن فى شعرة رفيعة بين انك تصيب المتابع بالفضول و انك تصيبه بالإحباط أو الملل،

علشان كدا النوع ده من الماركتنج مش بنستخدمه دايما لأنه زى ما ممكن يحقق نتايج هايلة و تفاعل كبير ممكن لو متنفذش صح يحقق نتايج سلبية و ممكن تضر بالبيزنس فى النهاية .

فى الغالب بنستخدم الـ Curiosity marketing لما نكون بنعلن عن منتج جديد أو بنعيد التسويق لمنتج قديم ، بنبى Brand أو فى وقت عموما محتاجين نجذب انتباه أكبر قدر ممكن من المتابعين و نخليهم يتابعوا الـ Campaign و ينشروها بطريقة viral .

فلو هتستخدم الـ Curiosity marketing

خلى بالك انه:

رسالتك التشويقية تكون غامضة كفاية تحرك الفضول جوا العميل لكن متصيبوش بملل ولا إحباط ..

تكون الرسالة على علاقة بمنتجك أو الـ Business بتاعك بشكل أو بآخر .

وقت الكامبين ميكنش طويل يخلى المتابع يزهق و يبطل يفكر فى حل اللغز ، ولا قصير فينهى فترة فضوله ومتابعته ليك بسرعة.

قولنا ايه رأيك هل ممكن الـشركات الصغيرة تستخدم الطريقة دي من التسويق ؟ ولا بس مقتصرة على الشركات الكبيرة ؟

#

Brand_Kite

Let_your_Brand_Fly