مقال "لعبة منتصف الليل... هل أنت مستعد للرقص مع الشيطانين؟"

مقال بالعامية المصرية كتبته عندما كنت انشر كتاباتي علي الفيسبوك

"لعبة منتصف الليل... هل أنت مستعد للرقص مع الشيطانين؟"

.

ذُكر في بعض الميثولوجيا الإغريقية والاسكندنافية عن وجود عقاب اسطوري بيعاقبوا بيه أعداء الالهه في معتقداتهم

وكانت عبارة عن شيطان او كيان شرير بيصلته الإله علي اعدائه فيتم حبسه مع "الكافر" الي خرج عن طاعة الالهه وكفر بيها في منزله ليواجه مصيره المشؤوم وفرصة نجاته كانت منعدمة تقريبا..

الاسطورة دي يُقال انها كانت نفس وسيلة العقاب في محافل الماسونية لأي شخص بيخرج عن الطاعة كان بيتم حبسه مع نفس الكيان الشرير في المنزل لغاية وقت معين وياما ينجو ياما يهلك ولا مكان للهرب..

.

الطقوس دي اسمها "رجل منتصف الليل" وكانت عبارة عن انهم بيكتبوا اسم المذنب في ورقة وينقطوا عليها من دمه وبمجرد ماتجف يحبسوه ف بيت مظلم ويحطوا الورقة دي قدام باب البيت ولازم يكون "باب خشبي" وبعدها يطرقوا عند منتصف الليل 22 طرقة من ورا الباب بعدين يخرجوا من البيت ويقفلوا الباب ويطفوا الشمعة دي وبعدها بيدخل البيت كيان شرير "شيطان او روح عابثة" ويبدا ف مطاردة

المذنب جوا البيت وبيكون مفيش مفر بالنسباله !

فبمجرد دخول الروح بيبدأ الضحية يهلوس والروح تصورله أسوأ كوابيسه ومخاوفه ويعيشها لحظة بلحظة وقد توصل بيه الكوابيس لدرجة الانتحار وممكن يموت من الخوف دا لو الروح مقتلتوش ونزعت أحشائه !

ونسبة نجاته منه بتكون منعدمة ولكن فيه حالات قد تنجو.. ولكن بضرر نفسي وجسدي لا يمكن تخيله والي ممكن يؤدي للانتحار.. دا لو منتحرش أثناء طقوس العقاب !

مفيش كيان معين بيدخل ولكن هو بيفتح بوابة بينه وبين العالم الآخر وهو ونصيبه بقي مين دخل وقوته شكلها اي.!

وبتبدا الطقوس الساعة 12 بالليل وتنتهي الساعة 3:33 الفجر وبيتم تحضيرها خلال دقيقة..

.

الاسطورة دي أتحولت للعبة شياطنية خطيرة ونزلت في 2012 في موقع كريبي باستا واتعملت فيلم في 2013 بنفس الاسم ?ℎ? ??????ℎ? ???? ?

وكانت طقوس اللعبة دي مشابهه جدا لطقوس العقاب ولكن باختلافات بسيطة

فاللاعب بيجيب شمعتين وورقة بيكتب عليها اسمه وبينقط عليها نقطة من دمه وبعدين بيحطها قدام الباب الخشبي ويولع الشمعة جنب الورقة وبعدين يطرق 22 طرقة علي الباب وبعدين يفتحه ويطفي الشمعة وياخد الورقة ويدخل..

وبيكون معاه ملح وشمعه كوسيلة دفاع ليه وبيبدا يتجول بالبيت ولازم ميفضلش ف نفس المكان اكتر من 10 ثواني..

وبعدها هيدخل الكيان الشرير سواء كان شيطان او روح شريرة وبيحس ببرودة في المكان وطبعا البيت لازم يكون كله ضلمة ومفيش الا ضوء الشمعة بس ولو الشمعة انطفت يرش الملح حواليه علشان الروح متقدرش تقرب منه ويولعها تاني ويكمل...

ولو اتمكن منه رجل منتصف الليل هيبدا يهلوس ويشوف أسوأ كوابيسه وهو عايش ولو كانت الروح قوية هيكون عقابه أسوأ وقد يوصل لقتله علي ايديه او انه يخليه ينتحر بأيديه !

ولكن ذُكر انه لو نجا اللاعب بيتحققله 9 أمنيات في نفس الشهر الي نفذ فيه الطقوس ولكن بشرط يكون واحد من الشهور دي

"مارس ، يوليو ، سبتمبر ، ديسمبر"

وكانت القواعد بتنصح اللاعب انه ميصدقش اي حاجة يشوفها وميركزش مع اي كيان هيشوفه ولو لثواني ولو لمح ف البيت طيف إنسان فالروح قوية جدا وممكن تقتله ولازم يهرب من البيت فوراً وميرجعش الا لما تنتهي الطقوس الساعة 3:33 فجراً وهيكون رجل منتصف الليل غادر !

.

اللعبة شيطانية لابعد الحدود وسواء كانت مجرد أسطورة لا أساس لها من الصحة فهي مرتبطة بالسحر لان طقوسها مشابهه لطقوس بيقوم بيها السحرة ف اغلب الأحيان.. ولا ينصح بتجربتها إطلاقاً...

.

#لعبة_منتصف_الليل

#رجل_منتصف_الليل

#الجنوبي

#كريم_خطاب

#العاب_شيطانية