خاطرة بعنوان السلم والثعبان ...

السلم والتعبان

اول حاجة هتيجي في بالك لما تسمع الكلمتين دول اللعبة اللي اتعودنا نلعبها واحنا صغيرين .

السلم والتعبان في الحياة هما لعبة الدنيا...واللوحة هي الحياة...والزهر قدرك اللي مكتوبلك.

السلم والثعبان ده انت وغيرك...

واحيانا بيكون بإيدك الاختيار تكون سلم توصل للأمان..

او تعبان تنزل اللي في حياتك لأسفل السافلين.

أهم حاجة وانت بتختار تفتكر تبادل الاداور...

لو كنت سلم توصل الناس للقمة والخير اوعى تستنى منهم جزاء...

علشان متتصدمش من نكران الجميل...

أما الثعبان هياخد اللي في طريقه لتحت

والزهر انت وحظك مرة طالع ومرة نازل ...مرة كسبان ومرة خسران

وانت ونصيبك

يا وقعت في سلم يا وقعت في تعبان

يا ترى كام مرة لعبت فيها دور السلم ؟

وكام مرة كنت فيها ثعبان ؟