ازمة مادية ( مشكلة متكررة في الحياة الزوجية )

أزمة مادية

لأول مرة من بعد جوازنا ألاقي جوزي بيتلكك على خناقة

مش قادرة افهم انا غلطت في ايه وليه كل دا حصل

انا حرفيا محصلش مني حاجة تستاهل كل العصبية والنرفزة دي

في لحظة حسيت نفسي مع حد معرفهوش

فقدت احساس الأمان والحماية وسألت نفسي سؤال اومال لو غلطت بجد هيعمل فيّ ايه؟

ازاي هونت عليه وهانت عليه دموعي اللي وعدني زمان انه مستحيل يسمحلي أعيط او أحزن طول ما هو موجود؟

فضلت يومين مش قادرة انسى الموقف ولا أنسى نبرة صوته وقسوته عليّ

لحد ما جه وحاول يصالحني ويتكلم عادي وكأن مفيش حاجة حصلت..

كنت مستغربة هو ازاي عدي الموقف كدة وازاي مش حاسس أد إيه أنا مشاعري اتأثرت وفي معاني مهمة فقدتها مع الموقف دا..

وكمان بقيت خايفة جدا من اي حاجة ممكن تحصل ويتكرر الموقف دا تاني

عشان كدة سألته.. ممكن اعرف انا عملت ايه زعلك؟

وايه يستحق كل العصبية دي؟

ساعتها سكت شوية وقالي خلاص انا نسيت الموضوع

انسى انت كمان..

انسى ايه؟ هو انا عملت ايه اصلا عشان انت تنساه؟

واللي انت عملته ممكن يتنسي بالسهولة دي؟