كنت بمر بفترة مادية صعبة جداً لدرجة اني كنت رايح اقعد مع واحد صاحبي علي القهوة وعارف انه هيحاسبلي لاني مش معايا فلوس كوباية الشاي الي هشربها
صاحبي ده كان شخص قريب مني جداً
مفيش بينا فرق عمرنا ما اتكلمنا في حساب او فلوس
الي معاه هيحاسب علي القهوة ، القريب من المطعم هو الي هيجيب اكل ، الي هيطلع الفلوس الاول في المواصلات هو الي هيدفع مفيش مرة حد فينا قال للتاني حساب
الفترة دي كان ليا فلوس شغل متأخرة وفعلاً كانت حياتي واقفة علي الفلوس دي ومش معايا غيرهم ،
قعدت وحكيت لصاحبي قد ايه الدنيا مزنقة معايا جداً واني محتاج فلوس الفترة دي علشان اقدر اتحرك واجيب فلوسي
انا قاعد في مكاني مش عارف اعمل حاجة لأني حتي مش معايا فلوس اشحن رصيد او اركب مواصلات علشان اجيب فلوس شغلي المتاخرة
لقيت صاحبي بيقولي طيب ما تبيع قزازة برفيوم من الي كنت جايبهم من شهرين مش عندك واحدة مقفولة لسه !!
صاحبي كان معايا وقت ما اشتريتهم وعارف ان القزازة بـ 850 جنيه ،
ردي عليه كان الطبيعي اني مبعرفش ابيع حاجة انا شاريها لنفسي وبعدين مين هيشتريها مني وانا مزنوق في الوقت ده
رد وقالي اخدها منك انا شوية ونروح البيت اجيب فلوس وانت تجيبها وهشتريها منك ،
وافقت لان مفيش حل تاني قدامي شوية وروحنا فعلاً جيبنا قزازة البرفيوم واديتها لصاحبي ولقيته بيديني
400 جنيه !!!
| اسم المستقل | هشام ع. |
| عدد الإعجابات | 0 |
| عدد المشاهدات | 43 |
| تاريخ الإضافة | |
| تاريخ الإنجاز |