خاطرة بعنوان ( شخص انتقامي )

عُمري ما كُنت شخص إنتقامي،

ولا عندي حيَّل ثُعبانية تخليني أقعُد أفكر إزاي أجرح دا،

وأحرق قلب دا،

وإزاي أندّمهُم عشان ظلموني أو جرحو مشاعري؛

أنا إنتقامي بسيط جدًا

وهو إنّي بتّبع نهج "إعتزل ما يؤذيك"

أنا بموّت الشخص دا جوايا،

لا بحنّله ولا بفكّر فيه ولا حتى يشرفني إنّه يمُر على ذاكرتي،

الناس اللي تكدب وتجرح وتبيع

ما يتزعلش عليها

ولا حتى تستاهل إننا نضيَّع دقيقة من وقتنا ونفكر ننتقم منهُم إزاي،

هُما أكبر إبتلاء لنفسهُم..

ربنا يعينهم على نفسهم ويبعدهم عن طريقنا.