تصميم 4 موشن جرافيك ابداعي

هلا والله، عندنا متجر SVRD متخصص بشحن الألعاب والبطاقات الرقمية وباقات سوا، ونحتاج تصميم **4 فيديوهات موشن جرافيك**، مدة كل فيديو 15 ثانية.

نبي الإعلانات تكون مختلفة عن المعتاد، وأهم شيء عندنا أول ثانيتين أو ثلاث من كل مقطع، نبي بداية قوية تشد المشاهد وتخليه يكمل الإعلان وما يسوي سكب.

*الفيديوهات المطلوبة:*

**1- إعلان تمارا (ببجي موبايل)**

نبي نستعرض شحن شدات ببجي من متجرنا، ونوضح للعميل إنه يقدر يشحن شداته ويقسم المبلغ عن طريق تمارا، مع التركيز على سهولة الطلب وسرعة الشحن.

**2- إعلان تمارا (باقات سوا)**

نفس الفكرة لكن مخصص لباقات سوا، نبي نبرز الباقات المتوفرة وإمكانية شرائها وتقسيم المبلغ عن طريق تمارا، بطريقة جذابة ومختلفة عن الإعلان الأول.

**3- إعلان التطبيق (ببجي موبايل)**

هذا نبيه يركز على تطبيق SVRD نفسه، ونستعرض فيه سهولة شحن شدات ببجي وسرعة تنفيذ الطلب.

والأهم نبرز المميزات اللي يحصل عليها العميل:

- خصم 10 ريال على أول شحنة باستخدام كود الخصم.

- كاش باك يرجع لمحفظته بعد الشراء.

- سهولة وسرعة الشحن من التطبيق.

نبي العميل يشوف الإعلان ويتحمس يحمل التطبيق ويجرب أول شحنة.

**4- إعلان التطبيق (موبايل ليجند)**

نفس فكرة الإعلان الثالث لكن مخصص لجواهر موبايل ليجند، مع إبراز خصم 10 ريال على أول شحنة باستخدام الكود، والكاش باك اللي يرجع لمحفظة العميل، وسهولة الشحن من التطبيق.

**بالنسبة للتصميم:**

هويتنا أسود وذهبي، ونبي الفيديوهات عمودية تناسب تيك توك وسناب شات، مع تعليق صوتي سعودي ومؤثرات مناسبة.

ما نبي مجرد شعارات تتحرك ومنتجات تظهر وتختفي، نبي أفكار حلوة ومبتكرة، فيها حركة وتشويق بدون مبالغة أو زحمة.

ونبي كل فيديو تكون له بداية وفكرة مختلفة، حتى لو كانت المنتجات أو المميزات متشابهة.

وبنفس الوقت ما نبي نفرض عليك سيناريو معين، بالعكس نبي نشوف إبداعك وأفكارك، والأهم تكون الإعلانات تسويقية وتشجع العميل على الشراء، مو مجرد فيديوهات شكلها حلو.

**ملاحظة:** أضفت مثال للطريقة اللي نرغب فيها، مو شرط تطبق نفس الفكرة، لكن عشان تكون الصورة واضحة لك من ناحية مستوى التصميم والحركة.

ياليت ترسل لنا نماذج من أعمالك، والتكلفة الإجمالية للفيديوهات الأربعة ومدة التنفيذ.