شخص فنّااان في إنتاج فيديوهات AI والمونتاج الاحترافي

هلا والله 👋

ندور على شخص فنّااان ومبدع فعلًا في المونتاج والإيديت، وعنده خبرة قوية في صناعة الفيديوهات بالذكاء الاصطناعي، ويعرف كيف يحوّل الفكرة إلى فيديو يشد المشاهد من أول ثانية لآخر ثانية.

عندنا فيديوهات مرفقة توضح الستايل اللي نبيه، ونحتاج نسوي فيديو بنفس الأسلوب والجودة، لكن بلمستك الإبداعية.

تفاصيل المشروع:

* مدة الفيديو تقريبًا دقيقتين، ممكن تزيد أو تنقص حسب الهوك وطريقة سرد القصة.

* الفيديو يكون بأسلوب قصصي، يعني الشخصية ما تتكلم بشكل مباشر أمام الكاميرا، وإنما يكون فيه فويس أوفر يحكي القصة، والمشاهد تتغير وتتحرك مع الكلام والأحداث.

* نحتاج شخص يعرف يختار اللقطات والزوايا والانتقالات المناسبة، ويخلي المشاهد مترابطة وتحكي القصة بشكل ممتع.

* اختيار الموسيقى والمؤثرات الصوتية المناسبة لكل مشهد، بحيث تعزز الإحساس بالقصة وتخلي الفيديو أقوى.

* نحتاج إنتاج الفيديو بـ 3 هوكات مختلفة عشان نختبرها ونشوف أي واحد يحقق أفضل نتيجة، مع الحفاظ على نفس القصة الأساسية.

وش يهمنا في الشخص اللي بنشتغل معه؟

نبي شخص عنده حس فني عالي، مو مجرد شخص يجمع لقطات ويحط عليها صوت وموسيقى.

نبي إيديتور فاهم في الإيقاع، والتشويق، والتوقيت، وكيف يخلي كل مشهد يخدم القصة. يعرف متى يسرّع ومتى يهدّي، وكيف يستخدم الموسيقى والمؤثرات والانتقالات بطريقة احترافية، بدون مبالغة أو عشوائية.

والأهم يكون متمكن من أدوات الـ AI ويقدر يطلع مشاهد بجودة عالية ومتناسقة، بدون ما يحس المشاهد إن الفيديو عبارة عن لقطات AI مركبة على بعض.

والأهم من هذا كله 👇

هذا المشروع بالنسبة لنا مجرد بداية، وعندنا احتياج مستمر لإنتاج فيديوهات كثيرة للبراند. فإذا أعجبنا شغلك وكان بيننا تفاهم، بإذن الله راح يكون فيه تعاون طويل ومستمر، مو مجرد فيديو واحد.

وقت تقديم عرضك، ياليت ترفق:

* نماذج من أفضل أعمالك، خصوصًا الفيديوهات القصصية المصنوعة بالـ AI بنفس الستايل المرفق.

* الأدوات اللي تستخدمها في صناعة الفيديو والمونتاج.

باختصار، ندور على شخص مبدع نقدر نعتمد عليه ويكون شريك لنا في صناعة محتوى البراند، مو مجرد منفّذ للمهمة.

إذا تشوف إن عندك الخبرة والذوق الفني اللي نبحث عنه، يسعدنا نشوف شغلك 🤝