ربط تطبيق React Native (Expo) بخادم Supabase مع تسجيل دخول Apple و Google

السلام عليكم

عندي تطبيق ألعاب اسمه ملدس أرينا، مبني بـ React Native و Expo (SDK 57) و TypeScript. حاليا كل بيانات اللاعبين محفوظة على جوالاتهم، وأبغى أنقلها لخادم عشان يقدرون يسجلون ويدخلون من أي جهاز.

مهم: التطبيق شغال وجاهز، ما أبغى إعادة بناء ولا تحويل لـ Flutter. الشغل يكون على نفس الكود.

عندي تصميم جداول Supabase جاهز (5 ملفات migrations)، يحتاج مراجعة وتعديل بسيط قبل ما ينطبق.

المطلوب في هذي المرحلة:

- إنشاء مشروع Supabase على حسابي أنا، وأضيفك عضو فيه

- تسجيل دخول بالإيميل وكلمة المرور، مع نسيت كلمة المرور وتسجيل الخروج

- تسجيل دخول بـ Apple و Google

- حفظ ملف اللاعب (الاسم والعمر والصورة الرمزية، والإيميل اختياري) ونقاطه على الخادم، بحيث لو دخل من جوال ثاني يلقى كل شي

- لما يسجل اللاعب أول مرة تنتقل بياناته اللي على جواله للخادم بدون ما يضيع تقدمه

- حذف الحساب من داخل التطبيق وتنحذف بياناته من الخادم (شرط من Apple)

الأمان عندي أهم شي:

- ما أبغى أي مفتاح سري داخل التطبيق، الأسرار تكون على الخادم بس

- كل جدول عليه صلاحيات RLS، اللاعب يقرأ ويعدل بياناته هو بس، وما يقدر يغير نقاطه بنفسه

- اقترح لي منطقة الخادم المناسبة لأن اللاعبين في السعودية

التسليم:

- الكود في GitHub خاص باسمي

- شرح مكتوب: كيف أشغله، وين الإعدادات، وكيف أضيف مطور ثاني مستقبلا

- قائمة بالبيانات اللي تنحفظ وسبب كل وحدة، عشان أحدث سياسة الخصوصية

من الامور اللي ابي اوصل لها:

التسجيل والدخول والخروج ونسيت كلمة المرور، دخول Apple و Google على آيفون، الدخول من جوال ثاني وألقى نفس البيانات، وحذف الحساب والتأكد إن بياناته انحذفت.

حساب Apple Developer و Google Cloud لما انشئهم راح اعطيك صلاحيه معينه اذا احتجتي

لو الشغل طلع زين فيه مراحل ثانية بعدها (خادم الاشتراكات ونسخة جماعية من اللعبة).