تصميم مشهد "نفق صور" في After Effects

المطلوب: مشهد "نفق صور" في After Effects

الفكرة الأساسية:

100 صورة (أبيض وأسود) بتتحرك في حركة مستمرة كأنها جاية على المشاهد من نص الشاشة، بتكبر وهي قريبة من الكاميرا، وبعدين بتخرج برة الفريم من ناحية اليمين والشمال. في نفس اللحظة، صور تانية بتبدأ من الأول (صغيرة شبه مخفية في النص) عشان الحركة تفضل مستمرة من غير وقفة.

التفاصيل:

اسكربت بيظهر في منتصف شاشة سودا، عبارة عن ٥٣ كلمة مدة ٣٠ ثاني قرائتهم، بيظهرو بالتتابع كلمتين كلمتين او ثلاثة الثالثة اسفلهم، يعني الكلمات كلها بتظهر في مساحة ديقة جدا لان من حولهم هيظهر صور متطايرة كالتالي:

الخلفية سودة بدرجة معينة هسلمها بعدين وبالكامل طول الوقت، والفريم عمودي (Reels/Stories، مقاس 1080x1440).

في أي لحظة، المفروض يكون فيه من 4 لـ 6 صور ظاهرة على الشاشة في نفس الوقت، مش صورة واحدة بس. بعضها صغيرة في النص، بعضها متوسطة في النص، وبعضها كبيرة قريبة من حافة الشاشة بتوشك تخرج.

كل صورة بتظهر صغيرة جدًا في نص الشاشة بالظبط، وبتكبر تدريجيًا وهي بتتحرك، وقبل ما تخرج بره الفريم بتاخد ناحية (يمين و شمال بالتبادل، مش كلهم لنفس الناحية).

مدة المشهد كله حوالي 30 ثانية، والحركة لازم تكون قابلة للتحكم في السرعة، لأن في صوت راوي هيتزامن معاها، هيبقى فيه لحظات سريعة (لما الراوي بيتكلم بسرعة) ولحظات بطيئة أو صورة واحدة بتقف شوية (لما يكون فيه سكتة أو كلمة مهمة في الكلام).

كل الصور أبيض وأسود من غير أي استثناء، لحد آخر صورة بس. آخر صورة (هتكون ملونة تملا الفريم بالكامل) بتبدأ بالابيض والاسود صغيرة اخر النفق لغاية ما تصبح ملونة بالكامل،. وبدل ما تخرج زي باقي الصور، هي بتكبر وتستقر في نص الشاشة وتقف ثابتة (مش بتخرج بره الفريم).

ملاحظة تقنية مهمة:

المشهد ده لازم يتعمل بـ keyframes أو expression على كل صورة (Scale + Position)، مش effect جاهز من المينيو. ولو هيستخدم Trapcode Particular أو أي نظام particles، يبقى لازم يكون قادر يظبط توقيت كل صورة لوحدها عشان التزامن مع الصوت يبقى دقيق، مش عشوائي بالكامل.

في حال صحب تنفيذ المزامنة مع الصوت بنستثنى الخيار دا وانخلي الصور تخرج بصرعة في اواخر الثلاثين مشهد مع تسريع الكلام

الملفات اللي هتوصله: حوالي 100 صورة أصلية، وتسجيل الصوت (فويس أوفر والكتابة) عشان يظبط التوقيت عليه.

مرفق نموذج Ai شبيه بالمطلوب