مدير حملات محترف لـ 3 متاجر

السلام عليكم ورحمة الله،

عندي 3 متاجر إلكترونية شغالة في مجال (الاشتراكات الرقمية وخدمات البث)، وأبحث عن مسوق شاطر وشريك نجاح يمسك إدارتها تسويقياً بشكل كامل.

ما نبي شغل لمرة واحدة، نبي شخص يكمل معنا المشوار. عندنا الآن 3 متاجر، وفي الطريق مشاريع وتطبيقات ثانية. فالشخص اللي يثبت نفسه ويجيب نتائج، راح نعتمد عليه في كل مشاريعنا الجاية بإذن الله."

المطلوب منك 3 أمور أساسية:

1- موضوع التتبع (أهم نقطة):

لازم تكون فاهم جداً في التتبع . أحتاج روابط تتبع خاصة (مثل روابط الأفلييت) لكل معلن أو مؤثر أتعامل معه، عشان أعرف بالضبط كم مبيعات وزيارات كل شخص بعيداً عن "البكسل" وإحصائيات المنصات.

2- الحملات الإعلانية:

إدارة وإنشاء حملات على (سناب شات، تيك توك، انستقرام، وقوقل Ads).

• في سناب وتيك توك وانستقرام: ضروري تعمل روابط تتبع خاصة للحملات غير البكسل عشان نضبط الاستهداف ونعرف مصدر البيع بدقة.

• في قوقل: نحتاج شخص فاهم كيف يتصدر النتائج.

3- تحسين الظهور (SEO):

تحسين محركات البحث وربط المتاجر بأي أداة تابعة لقوقل أو غيرها تساعدنا نرفع المبيعات والزيارات بشكل مجاني.

إيش اللي راح نوفره لك؟

• المتاجر جاهزة وخدمة عملاء قوية .

• المحتوى الإعلاني فديوهات عشان تقدر تنوع في الحملات

يا ليت اللي يقدم عرضه:

يكون صاحب خبرة حقيقية وعملي، ويرفق لي نماذج من أعمال سابقة (أرقام أو صور لحملات أدارها) في نفس المجال أو مجال مشابه.

وشكراً لكم.