مطلوب مدير عمليات محتوى ووسائط لتطبيق ألعاب رقمية (لعمل متكرر)

? نبذة عن المشروع:

إحنا فريق مطورين تطبيق ألعاب زي الكوتشينة و عنده فرصة كبيرة يعمل نمو سريع جدًا في السوق المصري والمنطقة. محتاجين حد تقيل وعنده خبرة استراتيجية عشان يمسك عمليات المحتوى كله من الألف للياء ويطلع بيه للمستوى اللي جاي.

الحاجة المهمة أنه يكون قادر علي تكوين و إدارة فريق العمل بالكامل (كُتاب، مونتيرين، مصممين) و هو اللي هيكون المسؤول الأول والأخير عن الإنتاج.

? المهام المطلوبة منك (يا مدير العمليات):

الأفكار والابتكار: هتطلع بأفكار فيديوهات جامدة وجديدة ومبتكرة طول الوقت، تكون ماشية بالظبط مع طريقة كلامنا والجمهور اللي بنستهدفه.

تحويل الفكرة لواقع: هتحول أي فكرة خام لـ"قصة منظمة" وخطة إنتاج واضحة ومُفصلة.

قيادة الفريق: هتكون مسؤول عن إدارة وتوجيه الفريق الإبداعي.

من الإلهام للنشر: هتتابع كل خطوة في التنفيذ (من أول ما نقول "يلا بينا" لحد ما الفيديو أو المنشور ينزل ويشوفه الناس).

الجودة والهوية: هتضمن إن مستوى الشغل دايماً عالي وإن شكل المنتج بتاعنا وهويتنا باينة ومميزة في كل محتوى بنعمله.

الإدارة والتشغيل: هتمسك التقويم بتاع المحتوى بالكامل (Content Calendar)، وهتريحني أنا شخصياً من الدوشة دي عشان أقدر أتفرغ لحاجات تانية مهمة في التطبيق.

✔️ المتطلبات الأساسية:

خبرة استراتيجية: لازم يكون عندك خبرة سابقة في إدارة عمليات محتوى بشكل متكامل، ويفضل تكون في مجال التكنولوجيا، الألعاب، أو المنتجات الرقمية.

قدرة على التوسع, زيادة حجم إنتاج المحتوى مع الحفاظ على الجودة.

ملحوظة: ده مشروع طويل الأمد، ومحتاجين نلاقي شريك استراتيجي مش مجرد منفذ مهام. لو شايف إنك قد المسؤولية، ابعتلنا ملف أعمالك وتفاصيل العرض.

ملاحظة حول الميزانية: الميزانية المحددة في الإعلان هي مجرد قيمة تقديرية مبدئية. التكلفة الشهرية سيتم تحديدها بالتفاوض بناءً على حجم العمل المطلوب شهريًا وعلى الفريق. برجاء إرفاق تفاصيل التكلفة المقترحة في العرض.