Nourhan S.

أهلًا بحضرتك،

أنا نورهان شلبي، بشتغل في مجال ال Data Engineering وال Big Data بقالي حوالي 3 سنين، وخلال الفترة دي اشتغلت على مشروعات مختلفة مع جهات عربية وأجنبية، وده خلاني أتعامل مع بيئات شغل ومتطلبات متنوعة بداية من بناء ال Data Pipelines لحد تطوير حلول تحليل بيانات وأنظمة تعتمد على المعالجة الضخمة للبيانات.

اشتغلت بشكل مباشر مع وزارة الاتصالات وتكنولوجيا المعلومات في عدد من المشروعات التقنية، والتجربة دي بالتحديد ساعدتني أطور طريقة شغلي من ناحية الالتزام، تنظيم ال Workflow، وفهم احتياجات المشروع بشكل عملي بعيد عن الحلول الجاهزة أو التنفيذ التقليدي.

خبرتي الأساسية مركزة في:

* تصميم وتنفيذ ETL / ELT Pipelines

* Hadoop Ecosystem وApache Spark وKafka

* معالجة وتحليل البيانات الضخمة

* بناء أنظمة Data Processing قابلة للتوسع

* SQL / NoSQL Databases

* Python وتطوير الحلول المعتمدة على البيانات

* تحسين أداء الأنظمة والتعامل مع ال Streaming & Batch Processing

بحاول دائمًا إن أي شغل أقدمه يكون واضح، منظم، وقابل للتطوير مستقبلًا، مش مجرد Task يتسلم وخلاص. بالنسبة لي أهم جزء في أي مشروع هو إن العميل يبقى فاهم هو واخد إيه وليه اتنفذ بالطريقة دي.

وكجزء بسيط أقدمه قبل بداية أي تعاون، بعمل استشارة مجانية لمدة 15 دقيقة نراجع فيها فكرة المشروع أو التحديات الموجودة ونحدد أنسب Approach للتنفيذ.

لو حابب نتناقش في مشروعك أو حتى محتاج رأي تقني قبل ما تبدأ، ابعتلي التفاصيل وأنا هكون سعيدة بالتعاون.