Mostafa M.

محتاج صفحة هبوط تحول الزوار لعملاء، ولا تطبيق ويب متكامل يخدم مستخدميك؟

أنا مصطفى، مطور Frontend متخصص في Angular، بخلفية 5 سنين في المحاسبة قبل ما أتحول للبرمجة.

وحاجة مهمه جدا من الأول: التسليم مش نهاية الحكاية بالنسبالي. بعد ما أسلمك المشروع، بفضل معاك يوم أو اتنين حسب حجم الشغل، لأي تعديل بسيط أو استفسار يطرأ — مش بختفي بمجرد ما الشغل يخلص.

خلفيتي في المحاسبة وال HR زودتني حاجة كتير مطورين مش بيهتموا بيها: عادة إني أفكر في التفاصيل الصغيرة اللي بتفرق — البيانات هتتحرك إزاي، الفورم هيتصرف صح لو المستخدم غلط، الرقم هيتحسب مظبوط.

بشتغل على أنواع مشاريع مختلفة:

صفحات هبوط وتعريفية — سريعة، متجاوبة، ومصممة عشان تحول الزيارة لنتيجة

تطبيقات ويب تفاعلية — فيها تسجيل دخول، بيانات حقيقية، وتفاعل سلس (زي منصة تواصل بنيتها من الصفر ب Angular)

أنظمة إدارية ولوحات تحكم — تحتاج دقة في العرض والحسابات (زي نظام مرتبات كامل بمنطق ضرائب وتأمينات حقيقي)

أدواتي: Angular (Standalone Components, Signals, Reactive Forms) · TypeScript · Tailwind CSS

· تكامل مع REST APIs

ملتزم بالمواعيد، وبكتب كود نظيف وسهل الصيانة.

لو مشروعك محتاج واجهة سريعة وشغل متقن، ومطور موجود معاك مش بس وقت التسليم — تعالى نتكلم.